SOS: Ərəb ölkələrindən İslamiadaya malyariya gəlir - 7 milyon riskdə
25-04-2017, 23:00
Malyariya ölümcül qlobal xəstəliklərdən biridir və xüsusilə Afrikada çox yayılıb. Ağcaqanadların yaratdığı bu xəstəlik əsasən Sahara Afrikasında üstünlük təşkil edir.
Malyariyayaya parazitləri insanın qanına düşdükdə dövr edərək qaraciyərə düşürlər, onun hüceyrələrinə nüfuz edirlər, orada böyüyərək çoxalırlar. Sonradan parazitlər qaraciyəri tərk edərək eritrositlərə daxil olurlar.
Bu proses bir həftədən bir neçə aya kimi çəkə bilər. Parazitlər qaraciyərdə olduqda insan heç bir narahatlıq hiss etmir. Eritrositlərə daxil olan parazitlər öz inkişafını davam etdirir və çoxalırlar.
Eritrositlərin qılafı partladıqdan sonra onlar digər eritrositlərə daxil olmağa imkan əldə edirlər. Bu cür halda parazitlər toksinlər ifraz edirlər (zəhərlər).
Qan dövranına düşəndə parazitlər digər orqanlara, o cümlədən beyinə də xətər yetirə bilər. Azərbaycanda 7 milyon insan malyariya xəstəliyinin riski altında yaşayır.
Ulus.Az-ın xəbərinə görə, bunu Səhiyyə Nazirliyinin Gigiyena və Epidemiologiya Mərkəzinin parazitologiya şöbəsinin müdiri Süleyman Məmmədov bildirib.
O qeyd edib ki, ölkənin ərazisinin 80 faizi malyariyaya görə endemikdir: “Xəstəliyi yayan ağcaqanadların artıb çoxalması üçün əsasən Mil-Muğan, Lənkəran, Aran rayonları və Quba-Xaçmaz zonasında münbit şərait var.
Malyariyanı yayan ağcaqanadlar qamışlıq, bataqlıq sularda, şirin sularda çoxalır. Xəstəlik əsasən iyun-oktyabr aylarında qeydə alınır.
Digər aylarda xəstəlik baş verərsə, deməli bu, ötən ildən qalıb və indi özünü biruzə verir. Xəstəliyin əsas əlamətləri üşütmə, titrətmə, hərarət və tərləmədir”.
S. Məmmədov əlavə edib ki, ölkədə yerli malyariya baş verməsə də, başqa ölkələrdən gətirilən tropik malyariya xəstəliyi müşahidə olunur.(ulus)Hər il ölkədə xaricdən gətirilən malyariya xəstəliyi ilə bağlı 1-3 hal qeydə alınır: “Keçən il 1, 2015-ci ildə 2, 2014-cü ildə 4 belə hal baş verib. Bu xəstəliyin ildırım sürəti ilə yayıldığını, xüsusilə uşaqlar və yaşlılar üçün təhlükəli olduğunu nəzərə alsaq, ilk mərhələdə aşkarlanmalı, lazımi tədbirlər görülməlidir.
Azərbaycanda keçirilən beynəlxalq tədbirlər zamanı belə xəstəliklərin gətirilmə ehtimalı daha çoxdur. Məsələn, ötən illərdə keçirilən Gənclər Forumuna gələn afrikalı əməkdaşda bu xəstəlik aşkarlanıb.
Vaxtında aşkar edildiyi üçün lazımi tədbirlər görülüb. Həmin şəxs sağalıb və ölkəsinə göndərilib. May ayında isə Bakıda IV İslam Həmrəyliyi oyunları keçiriləcək.
Oyunlara görə ölkəmizə əsasən ərəb ölkələrindən çoxlu sayda turistlər, qonaqlar gələcək. İslam ölkələrində də malyariya xəstəliyi qeydə alınır. Buna görə də bütün qabaqlayıcı tədbirlər görülüb.
Ehtiyat dərman preparatları var və mütəxəssislər daim məlumatlandırılır. Əgər şübhəli şəxs olsa, ondan qan nümunəsi götürülüb mərkəzin referans laboratoriyasında yoxlanılacaq.
Rubrika.Az
Geri qayıt