Nazirin məzuniyyətə çıxan başçı qardaşı Yasamala rəhbər gedir - Eksklüziv iddialar
1-08-2017, 12:13
Yasamal rayon icra başçısı postuna real namizədlərdən biri kimi Mərdan Camalovun adı çəkilir
Şirvan şəhər icra başçısı, medafiə sənayesi nazirinin qardaşı M.Camalovun paytaxtın bu rayonuna rəhbər göndərilməsi gözlənilir.
Məlumatda deyilir ki, Şirvan şəhər icra hakimiyyətində çamadan ovqatı müşahidə olunur. İcra başçısının Yasamala gedəcəyi barədə şəhərdə də danışırlar.
Hazırda məzuniyyətdə olan nazir qardaşının yuxarı dairələrlə əlaqəsi və nüfuzu M.Camalovun Yasamalın icra başçısı olmağına gətirib çıxarır.
Məlumatda deyilir ki, Şirvan şəhərinə xeyli vaxtdır rəhbərlik edən M.Camalovun reputasiyasının Yasamala uyğun olduğu deyilir.
Nazir qardaşının artıq Yasamala icra başçısı getməsi üçün siyasi razılıq olduğu da iddia olunur. Hələlik Yasamalın icra başçısının kim olacağı qeyri-müəyyəndir.
Lakin bəzi məmurların bu post uğrunda dəridən-qabıqdan çıxdığı, güclərini səfərbər etdiyi, resurslarını və himayəçilərini hərəkətləndirdiyi haqda iddialar var.
Bəzi məlumatlara görə, çoxdandır Bakı rayonlarından birinə başçı getmək eşqi ilə alışıb yanan Daşkəsənin icra başçısı Əhəd Abıyev və Samuxun icra hakimi Alı Qocayev çırmanıblar.
İddialara görə, Ə.Abıyev də, A.Qocayev də Yasamala icra başçısı getmək arzusundadırlar. Lakin Ə.Abıyev deyilənləri təkzib edib.
Rubrika.az-ın Ulus.Az-a istinadən əldə etdiyi məlumatda bildirilir ki, M.Camalovun yerinə Şirvana kimin icra başçısı təyin olunacağıl hələ dəqiqləşməyib. Ancaq nazir qardaşının da bu təyin olacağı halda paytaxta getməsi ürəyinə yatır.
Yasamalın icra başçısı olmuş İbrahim Mehdiyev vəzifəsindən kənarlaşdırılandan sonra ona heç yerdə iş verilməyib. Qocaman sabiq məmurun bundan sonra vəzifəyə gedəcəyi də gözlənilmir.
Hacı Cavad məscidinin özbaşına sökülməsinə qərar vermiş İbrahim Mehdiyevin Allah evinə qarşı bu münasibəti heç cür anlaşılan deyil.
xəbərə görə, Mingəçevirin icra hakimi Niyazi Bayramov, Statistika Komitəsinin sədri Tahir Budaqov, Daşkəsənin icra hakimi Əhəd Abıyev bu posta iddialıdır.
Həmçinin, Samuxun icra başçısı Alı Qocayev, Nəsimi rayon rəhbəri Asif Əsgərov da bu vəzifəyə təyin oluna bilər.
Yasamal rayon İcra Hakimiyyətinin başçısı İbrahim Mehdiyevin işdən çıxarılmasından sonra bu rayona kimin başçı təyin olunacağı ən çox müzakirə olunan məsələlərdəndir.
Ölkə rəhbərliyinin iradəsinin ziddinə olaraq, Hacı Cavad Məscidini sökdürdüyü üçün işdən qovulan İbrahim Mehdiyevin yerini tutmaq uğrunda cox ciddi mübarizənin başlandığına dair xəbərlər yayılmaqdadır.
Məsələ ondadır ki, Bakının ən böyük və ən strateji rayonlarından olan Yasamal, hakimiyyətdaxili klanların öz nəzarəti altına almaq istədiyi əsas ərazilərdən biri hesab olunur. Bu rayonun "qiyməti” son illər daha da artıb.
Rubrika.az
Geri qayıt