120 dövlətin nazirləri Bakıda - Qoşulmama Hərəkatı - FOTO
5-04-2018, 16:10
Bakıda Qoşulmama Hərəkatının nazirlər konfransı keçirilir
Bu gün Bakıda “Davamlı inkişaf naminə beynəlxalq sülh və təhlükəsizliyin təşviq edilməsi” mövzusunda Qoşulmama Hərəkatı çərçivəsində xarici işlər nazirlərinin aralıq nazirlər konfransı keçirilir. Rubrika.Az-ın APA-ya istinadən məlumatına görə, toplantıya 800-dən artıq iştirakçı qatılıb.
Daha sonra Qoşulmama hərəkatı 17-ci nazirlər konfransına sədr seçiləcək. Konfransda həmçinin Türkiyə, İran, Şimali Koreya, Əfqanıstan, Hindistan, Fələstin, Ekvador kimi ölkələrin xarici işlər nazirləri, BMT Baş Assambleyasının sədri Miroslav Layçak da iştirak edir.
***
Azərbaycan prezidenti İlham Əliyev tədbirə gəlib və qonaqlarla hərarətlə görüşüb, onlarla foto çəkdirib. Daha sonra konfrans öz işinə start verib.
***
Nazirlər toplantısı iki gün davam edəcək.
Konfransın yekununda Bakı Bəyannaməsi qəbul olunacaq.
Nazirlər konfransına hazırlıq məqsədilə aprelin 3-4-də yüksək vəzifəli məmurlar səviyyəsində iclas keçirilib.
Azərbaycan 2011-ci ildən Qoşulmama Hərəkatının tamhüquqlu üzvüdür. 2019-cu ildə Azərbaycan Qoşulmama hərəkatının XVIII Zirvə toplantısına ev sahibliyi edəcək. 2019-2022-ci illər ərzində isə Qoşulmama hərəkatına sədrlik edəcək.
Qoşulmama hərəkatında 120 dövlət iştirak edir. 17 dövlət və 10 beynəlxalq təşkilat Qoşulmama hərəkatı yanında müşahidəçi statusuna malikdir.
Rubrika.Az
Geri qayıt