Goranboyda ilanlar evlərə hücum edib
24-04-2018, 22:37
Goranboy rayonunda vətəndaşa məxsus evə sürünənlər daraşıb.
"Report"un Qərb bürosunun məlumatına görə, rayonun Qaradağlı kənd sakini Murad Muxtarov ona məxsus fərdi evdə bu ay artıq 6 ilanı öldürdüklərini bildirib.
"Səhər saatlarında uzunluğu 1 metr 40 sm-dən uzun olan ilanı vanna otağına girən zaman öldürdük. Hələ yaz fəslidi, evdə və həyətdə 10-dan çox ilan görünüb, yay fəslində buna daha çox rast gəlməyimizdən qorxuruq. Sürünənlərə qarşı xüsusi dərmanlama işləri aparsaq da, heç bir nəticəsi yoxdur, günü-gündən çoxalırlar", - 0 qeyd edib.
Qeyd edək ki, kənd ərazisindəki əkin sahələrində də çoxlu sayda ilanlara rast gəlinir.
Rubrika.az
Geri qayıt