Hakerlər Jirinovskini qarət etdilər
2-08-2018, 23:54
Rusiyanın Liberal-demokrat partiyasının (RLDP) sədri Vladimir Jirinovski, onun oğlu, deputat İqor Lebedev və Dövlət Dumasında RLDP fraksiyası sədrinin birinci müavini Vadim Denqin “Lurk” haker qrupu tərəfindən qarət ediliblər.
Rubrika.az Oxu.Az -a istinadla xəbər verir ki, müvafiq sənədi hakerlərin vəkili təqdim edib. Hüquq mühafizə orqanlarına yaxın mənbələr haker hücumlarının baş verdiyini təsdiqləyiblər.
Nəşr qeyd edir ki, “Lurk” haker qrupunun üzvləri 2016-cı ildə saxlanılıblar. Onlar banklar və kommersiya təşkilatlarından 3 milyard rubl oğurlamaqda ittiham olunurdular.
2017-ci ilin sonlarında isə sözügedən cinayət işi üzrə keçən Konstantin Kozlovski bəyan etmişdi ki, Rusiya Federal Təhlükəsizlik Xidmətinin rəhbərliyi ilə ABŞ-ın Demokrat partiyasının Milli Komitəsinin saytının dağıdılmasında və ölkə prezidentliyinə namizəd Hillari Klintonun şəxsi yazışmalarının mənimsənilməsində iştirak edib.
Rubrika.az
Geri qayıt