Neftçalada 20 min manatlıq qızı-zinət əşyaları oğurlanıb - FOTO
13-08-2018, 20:07
Neftçala rayonunda 20 min manatlıq qızı-zinət əşyaları oğurlanıb.
Rubrika.az xeber verir ki, Musavat.com-a Daxili İşlər Nazirliyinin Mətbuat xidmətinin Şirvan şəhər regional qrupundan verilən məlumata görə, Neftçala rayonunun Xolqaraqaşlı kənd sakini Vidadi Hüseynov avqustun 12-də rayon Polis şöbəsinə ərizə ilə müraciət edərək evindən 20 000 manat dəyərində qızıl-zinət əşyalarının oğurlandığını bildirib.
Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən şəxslər - Neftçala rayon sakini Murad Ələkbərov və Salyan rayon sakini Nuruş Əmənov saxlanılaraq Polis şöbəsinə gətirilib.
Dindirilmə zamanı hər iki şəxs törətdikləri cinayət əməlini etiraf ediblər, oğurladıqları qızıl-zinət əşyaları onlardan maddi sübut kimi götürülüb.
Faktla bağlı Neftçala rayon Polis şöbəsinin istintaq bölməsində araşdırma aparılır
Rubrika.az
Geri qayıt