Aleksey Navalnıy yenə saxlanıldı
25-08-2018, 23:01
Rusiyada müxalifət lideri Aleksey Navalnıy saxlanılıb.
Rubrika.Az Qafqazinfo.az-a istinadla xəbər verir ki, bu barədə siyasətçinin mətbuat katibi Kira Yarmış özünün Tvitter mikrobloqunda bildirib.
“Navalnıyı 2 saat öncə evinin qarşısında saxladılar”, – deyə o, yazıb.
K. Yarmış hüquq-mühafizə orqanlarının Navalnıyı nə üçün saxladıqlarına dair məlumat vermədiklərini söyləyib.
Xatırladaq ki, Aleksey Navalnıy sonuncu dəfə mayın 5-də Puşkin meydanında prezident Vladimir Putinin əleyhinə təşkil olunmuş aksiyada həbs edilmişdi. Bir gün sonra o, sərbəst buraxılsa da, mayın 11-də yenidən məhkəməyə aparılaraq haqqında 30 sutka həbs qərarı verilmişdi.
Rubrika.Az
Geri qayıt