Azərbaycan nefti bahalaşıb
11-09-2018, 23:20
CIF bazisi üzrə İtaliyanın Auqusta limanı şərtləri ilə Azərbaycanın yüngül neftinin qiyməti sentyabrın 10-da 78,99 dollar/barel təşkil edib ki, bu da ötən həftənin cümə gününə olan göstəricidən 1,11 dollar/barel çoxdur.
Rubrika.Az Trend-ə istinadən bildirir ki, FOB bazisi üzrə Türkiyənin Ceyhan limanında Azərbaycanın yüngül neftinin qiyməti sentyabrın 10-da 78,22 dollar/barel təşkil edib ki, bu da əvvəlki qiymətdən 1,13 dollar/barel çoxdur.
Novorossiysk limanından yüklənən URALS neftinin qiyməti sentyabrın 10-da 75,43 dollar/barel təşkil edib ki, Trend-ə görə, bu, əvvəlki qiymətdən 0,98 dollar/barel çoxdur.
Şimal dənizindən hasil edilən "Brent Dated" etalon növlü neftin qiyməti isə sentyabrın 10-da 76,64 dollar/barel təşkil edib. Bu, əvvəlki qiymətdən 1,13 dollar/barel çoxdur.
Rubrika.Az
Geri qayıt