Müalicəsi dövlət büdcəsindən maliyyələşdirilən heyvanların xüsusi təhlükəli xəstəliklərinin siyahısı genişləndirilib
25-09-2018, 09:38
Nazirlər Kabineti “Baytarlıq sahəsində profilaktikası, diaqnostikası və ləğvi dövlət büdcəsindən maliyyələşdirilən heyvanların xüsusi təhlükəli xəstəliklərinin Siyahısı”nda dəyişikliklər edib.
Rubrika.Az “Report”a istinadla xəbər verir ki, bu barədə qərarı Baş nazir Novruz Məmmədov imzalayıb.
Dəyişikliklərə görə, heyvanlarda bruselyoz xəstəliyi üzrə aparılan planlı profilaktiki müayinələr dayandırılıb.
Həmçinin heyvanların ümumi xəstəlikləri siyahısına blutanq, atların qripi, atların rinopnevmaniyası xəstəlikləri əlavə edilib.
Baytarlıq sahəsində dövlət büdcəsindən maliyyələşdirilən heyvanların xüsusi təhlükəli xəstəliklərinə tələb olunan əlavə vəsait cari ilin dövlət büdcəsində bu məqsədlər üçün nəzərdə tutulmuş vəsaitlər dairəsində həyata keçirilsin.
Rubrika.Az
Geri qayıt