Nazirlik Daşkəsəndə 5 nəfərin ölümü ilə nəticələnən yanğın barədə rəsmi məlumat yayıb
14-11-2018, 10:25
Fövqəladə Hallar Nazirliyi (FHN) Daşkəsəndə 5 nəfərin ölümü ilə nəticələnən yanğın barədə rəsmi məlumat yayıb.
Rubrika.Az-ın “Report”a istinadən xəbərinə görə, məlumatda bildirilib ki, Daşkəsən rayonunun Quşçu qəsəbəsində ümumi sahəsi 150 m² olan birmərtəbəli 3 otaqlı evin yanar konstruksiyaları, ev əşyaları və yaxınlıqda olan 10 ton ot bağlaması yanıb.
Yanğının kəşfiyyatı zamanı 1990-cı il təvəllüdlü Tağıyeva Sevinc Şahin qızı, 2010-cu il təvəllüdlü Tağıyeva Aygün Asim qızı, 2012-ci il təvəllüdlü Tağıyev Sakit Asim oğlu, 2017-ci il təvəllüdlü Tağıyev Sadiq Asim oğlu və 2007-ci il təvəllüdlü Edilxanova Günel Qoşqar qızının meyitləri aşkar olunub. Yaxınlıqdakı tikililər yanğından mühafizə olunub.
Hadisə ilə əlaqədar müvafiq qurumlar tərəfindən təhqiqat aparılır.
Rubrika.Az
Geri qayıt