Məktəbin qarşısında maşın 2 müəlliməni vurdu - MƏKTƏBİN QARŞISINDA
17-12-2018, 13:39
Bu gün səhər saatlarında Qaradağ rayonu, Sahil qəsəbəsində işə gedərkən 2 müəlliməni maşın vurub.
RUBRİKA.AZ Virtualaz.org-a istinadla bildirir ki, hadisə 319 saylı məktəbin qarşısında baş verib.
Səhiyyə Nazirliyinin mətbuat katibi Pərviz Abubəkirov faktı təsdiqləyib. Onun sözlərinə görə, yaralılar təcili tibbi yardımla Kliniki Tibbi Mərkəzə gətirilib, onlardan birinin vəziyyəti daha ağırdır. “Yaralılardan birinin 60, digərinin 63 yaşı var”, -Abubəkirov əlavə edib.
Qəzaya düşən Səltənət və Balaxanım adlı müəllimələr qəsəbədə yerləşən 253 saylı məktəbdə dərs deyirlər. “Hadisə şahidləri bildirirlər ki, maşın sürətlə gəlirmiş, piyadalar 3 nəfər olub, biri qaçaraq xilas ola bilib, digərlərini maşın vurub”,-məktəbdən deyiblər.
RUBRİKA.AZ
Geri qayıt