Metronun “28 May” stansiyasındakı gərginliyin səbəbi AÇIQLANDI
24-12-2018, 20:31
Bu gün axşam saatlarında "Bakı Metropoliteni"nin "28 May" stansiyasının əsas girişi qısamüddətli bağlanıb. Rubrika.Az xeber verir ki, bu barədə Modern.az-a qurumun mətbuat xidmətinin rəhbəri Bəxtiyar Məmmədov məlumat verib.
O bildirib ki, buna səbəb stansiyada sərnişinlərin təhlükəsizliyinin təmin edilməsidir: "Pik saatlara görə stansiyada sərnişin sıxlığı müşahidə edilib. Sıxlıq yarandığı üçün qaydalara uyğun olaraq sərnişinlərin təhlükəsizliyini təmin etmək məqsədilə stansiyanın əsas girişi saat 19:00 radələrində 5 dəqiqəlik bağlanıb. Sərnişin sıxlığı aradan qaldırıldıqdan sonra yenidən stansiyaya girişə icazə verilib. Hazırda qatarların hərəkətində heç bir problem yoxdur".
Rubrika.Az
Geri qayıt