Abşeronda 45 yaşlı qadın evində qətlə yetirildi
4-01-2019, 14:56
Abşeron rayonunda qadın evində qətlə yetirilib.
Rubrika.az-ın Trend-ə istinadən məlumatına görə, hadisə rayonun Hökməli qəsəbəsi, Təzəkənd kəndi ərazisində baş verib.
Həmin kənddə yaşayan, 1973-cü il təvəllüdlü Məmmədova Əqidə Mirzəkişi qızının üzərində zorakılıq əlamətləri olan meyiti yaşadığı evdən tapılıb.
Qətlin kim tərəfindən və hansı məqsədlə törədildiyi məlum deyil.
Faktla bağlı Abşeron rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb.
Rubrika.az
Geri qayıt