Prokuror iş adamlarına qarşı dələduzluq edən şirkət rəhbərinə cəza istədi
30-01-2019, 17:04
Bu gün Bakı Ağır Cinayətlər Məhkəməsində dələduzluqda təqsirləndirilən “Velizade production” şirkətinin rəhbəri Tural Vəlizadənin cinayət işi üzrə məhkəmə istintaqı yekunlaşıb.
Rubrika.Az-ın Trend-ə istinadən məlumatına görə, hakim Cavid Hüseynovun sədrliyi ilə keçirilən prosesdə prokuror təqsirləndirilən şəxsə cəza istəyib.
Dövlət ittihamçısı T.Vəlizadənin 9 il 6 ay azadlıqdan məhrum edilməsini istəyib.
Məhkəmənin növbəti iclası fevralın 5-nə təyin edilib.
İttihama görə, T.Vəlizadə dörd nəfərə qarşı dələduzluq etməkdə ittiham olunur.
O, azərbaycanlı iş adamlarına Türkiyənin tanınmış müğənniləri - Sıla və Ebru Gündeşin Bakıda konsertini təşkil edəcəyinə söz verərək onlardan 200 min dollar alıb, lakin sonradan vədinə əməl etməyib.
Zərərçəkmişlərin şikayətləri əsasında saxlanılan T.Vəlizadənin barəsində Cinayət Məcəlləsinin 178.3.2-ci (külli miqdarda törədildikdə) maddəsi ilə ittiham irəli sürülüb və həbs qətimkan tədbiri seçilib.
O, ittiham üzrə özünü təqsirli bilmədiyini və iş adamlarından pulu borc aldığını deyib.
Rubrika.Az
Geri qayıt