AVRO-2020: Bu gün Türkiyə dünya çempionları ilə qarşılaşacaq
8-06-2019, 18:46
Bu gün futbol üzrə 2020-ci il Avropa çempionatının seçmə mərhələsində III tura yekun vurulacaq.
Rubrika.Az "Report"a istinadla xəbər verir ki, ikinci oyun günündə 5 qrupda 13 qarşılaşma təşkil olunacaq. İ, J və H qruplarında 3, C və E qruplarında isə 2 matç keçiriləcək.
C qrupunda Almaniya millisi 2 oyunda xal toplaya bilməyən Belarusun qonağı olacaq. İlk oyununu xalsız başa vuran Estoniya isə lider Şimali İralandiyanı qəbul edəcək.
Azərbaycan millisi E qrupunda Macarıstanı qəbul edəcək. Dünya çempionatının finalçısı Xorvatiya isə Uelsi sınağa çəkəcək.
Turun mərkəzi oyunu H qrupunda keçiriləcək. Son dünya çempionu Fransa səfərdə Türkiyə ilə qarşılaşacaq. Hər iki komanda 2 turdan sonra maksimum nəticə göstərib. Qrupun digər matçlarında İslandiya Albaniyanı sınağa çəkəcək, autsayderlər Moldova və Andorra yığmaları isə ilk xallarını qazanmağa cəhd göstərəcəklər.
I qrupunda favorit sayılan Belçika millisi Qazaxıstan, Rusiya yığması autsayder San Marino ilə üz-üzə gələcək. Kipr isə Şotlandiyanın qonağı olacaq.
Sonuncu J qrupunda isə favorit İtaliya səfərdə Yunanıstanın müqavimətini qırmağa çalışacaq. Qrupun digər matçlarında isə Lixtenşteyn Ermənistanın, Bosniya və Hersoqovina isə Finlandiyanın qonağı olacaq.
AVRO-2020, Seçmə mərhələ, III tur
8 iyun
C qrupu
20:00. Estoniya – Şimali İrlandiya
22:45. Belarus - Almaniya
Xal durumu: Ş.İrlandiya - 6 (2 oyuna) , Almaniya – 3 (1), Hollandiya – 3 (2), Estoniya – 0 (1), Belarus – 0 (2).
E qrupu
17:00. Xorvatiya - Uels
20:00. Azərbaycan – Macarıstan
Xal durumu: Slovakiya - 3 (2 oyuna), Uels – 3 (1), Macarıstan – 3 (2), Xorvatiya – 3 (2), Azərbaycan – 0 (1).
H qrupu
17:00. İslandiya - Albaniya
20:00. Moldova - Andorra
22:45. Türkiyə - Fransa
Xal durumu: Fransa – 6 (2 oyuna), Türkiyə - 6 (2), Albaniya – 3 (2), İslandiya – 3 (2), Andorra – 0 (2), Moldova – 0 (2).
I qrupu
20:00. Rusiya – San Marino
22:45. Belçika - Qazaxıstan
22:45. Şotlandiya - Kipr
Xal durumu: Belçika – 6 (2), Kipr – 3 (2), Rusiya – 3 (2), Qazaxıstan – 3 (2), Şotlandiya – 3 (2), San Marino – 0 (2).
J qrupu
20:00. Finlandiya – Bosniya və Hersoqovina
20:00. Ermənistan – Lixtenşteyn
22:45. Yunanıstan - İtaliya
Xal durumu: İtaliya – 6 (2), Yunanıstan – 4 (2), Bosniya və Hersoqovina – 4 (2), Finlandiya – 3 (2), Ermənistan – 0 (2), Lixtenşteyn – 0 (2).
Rubrika.Az
Geri qayıt