Gürcüstana külli miqdarda qızıl əşyalar keçirən Azərbaycan vətəndaşı saxlanılıb
10-07-2019, 09:11
Gürcüstanda Azərbaycanla sərhəddə yerləşən “Qırmızı körpü” gömrük-keçid məntəqəsində ölkəyə qızıl əşyaların qanunsuz keçirilməsinin qarşısı alınıb.
Rubrika.Az “Report”a istinadən yerli bürosu xəbər verir ki, bu barədə Gürcüstanın Maliyyə Nazirliyinin Gəlirlər Xidməti məlumat yayıb.
Türkiyə vətəndaşının idarə etdiyi avtobusda olan Azərbaycan vətəndaşının əl çantasında ümumi çəkisi 87,92 qram olan qızıl əşyalar aşkar olunub. Gömrük nəzarətindən gizlədilən əşyaların dəyəri, təxminən, 19 min lari (6 500 dollardan çox) təşkil edib.
Faktla bağlı materiallar Maliyyə Nazirliyinin İstinaq Xidmətinə təqdim olunub.
Rubrika.Az
Geri qayıt