AZAL-ın təyyarəsinin pəncərəsinin sınması uçuşu 12 saat ləngidib
31-07-2019, 12:46
"Azərbaycan Hava Yolları" QSC-nin (AZAL) ötən gün saat 13:20-də, “J2 076” reysi üzrə Türkiyənin İstanbul şəhərindən Bakıya uçmalı olan sərnişin təyyarəsi təxminən 12 saat gec yola düşüb.
Rubrika.az-ın "Report"a istinadən əldə etdiyi məlumata görə, buna səbəb təyyarənin pəncərəsinin sınması olub.
Son nəticədə avialayner havaya bu gecə saat 01:10-da qalxıb və saat 03:20-də Heydər Əliyev Beynəlxalq Aeroportuna enib.
AZAL-ın mətbuat xidmətinin rəhbəri Paşa Kəsəmənski “Report”a faktı təsdiq edib.
Xatırladaq ki, “J2 076” reysi üzrə uçuşlar "Airbus A340-500” markalı təyyarələrilə həyata keçirilir.
Rubrika.Az
Geri qayıt