Aşura günü qan verən 169 nəfərdə viruslar aşkarlandı
18-09-2019, 10:34
Səhiyyə Nazirliyi və Qafqaz Müsəlmanları İdarəsinin təşkilatçılığı ilə qana ehtiyacı olan xəstələrə yardım üçün Aşura günü könüllü qanverən 169 nəfərdə virus aşkarlanıb.
Bu barədə virtualaz.org-a nazirliyin mətbuat katibi Pərviz Abubəkirov məlumat verib.
P. Abubəkirovun sözlərinə görə, aksiyada 5 min 809 nəfər könüllü olaraq qan verib. Bu şəxslərdən 2 min 614,1 litr qan tədarük olunub. Mərkəzi Qan Bankında 4 infeksiyaya görə aparılan müayinələr zamanı 169 nəfərdə virus aşkar olunub.
“HİV1/2 (QİÇS) virusu aşkarlanmayıb. Lakin 44 nəfərdə HbsAg (Hepatit, 76 nəfərdə HCV (Hepatit C), 49 nəfərdə isə sifilis aşkar olunub”,- deyə mətbuat katibi bildirib.
Virus aşkar olunan nümunələr istifadədən kənarlaşdırılıb və müvafiq qaydalara uyğun olaraq zərərsizləşdirilib.
Rubrika.az
Geri qayıt