Bakıda Qoşulmama Hərəkatı sammitinin yekun sənədləri razılaşdırılıb
24-10-2019, 15:58
Bakıda Qoşulmama Hərəkatının XVIII zirvə görüşünə hazırlıq çərçivəsində nazirlərin görüşü başa çatıb.
Rubrika.az “Report”a istinadən xəbər verir ki, bu barədə Xarici İşlər Nazirliyinin sözçüsü Leyla Abdullayeva jurnalistlərə bildirib.
O deyib: “İnteraktiv formatda keçirilən görüş zamanı nazirlər oktyabrın 25-26-da Bakıda keçiriləcək sammit zamanı dövlət və hökumət başçılarına təqdim olunacaq 4 sənədi müzakirə edərək razılaşdırıblar. Bu sənədlər yekun bəyannamə, Bakı Bəyannaməsi, Fələstinə dair bəyannamə, eləcə də sammitə ev sahibliyi edən ölkəyə təşəkkürnamədən ibarətdir”.
Rubrika.az
Geri qayıt