ABŞ Rusiya və Çini əsas təhdid mənbələri elan etdi
11-02-2020, 11:37
ABŞ əks-kəşfiyyatının 2020-2022-ci illər üzrə yeni strategiyasında Rusiya və Çin əsas təhdid mənbələri kimi göstərilib.
Rubrika.az “Report”a istinadla xəbər verir ki, bu barədə Milli Əks-Kəşfiyyat və Təhlükəsizlik Mərkəzinin açıqlanan sənədində bildirilib.
“ABŞ-ı nişanlamış oyunçuların sayı artır. Rusiya və Çin bütün dünyada fəaliyyət göstərir, öz milli güclərinin bütün alətlərini ABŞ-a qarşı istifadə edir və müasir kəşfiyyat imkanlarının geniş spektrinə sahibdir”, - sənəddə vurğulanıb.
Mərkəzin elan etdiyi digər təhdid mənbələri arasında Kuba, İran, Şimali Koreya, “Hizbullah” hərəkatı, İŞİD və “Əl-Qaidə” terror təşkilatları, transmilli kriminal təşkilatlar və s. var.
Rubrika.az
Geri qayıt