Gürcüstanın yeni baş prokuroru məlum oldu..
18-02-2020, 16:48
Gürcüstan parlamenti İrakli Şotadzeni ölkənin baş prokuroru vəzifəsinə təsdiq edib.
Rubrika.Az Report-a istinadən xəbər verir ki, onun namizədliyinin lehinə 82 deputat səs verib.
İkinci dəfə Gürcüstanın baş prokuroru olan İ.Şotadze növbəti 6 ildə bu vəzifəni tutacaq.
Qeyd edək ki, Gürcüstanın baş prokuroru Şalva Tadumadze ötən ilin dekabrın 12-də vəzifəsindən gedib. Buna səbəb onun Ali Məhkəmənin hakimi kimi təsdiqlənməsi olub.
İ.Şotadze isə 2018-ci ilin mayın 31-də istefa verib. O, bu vəzifəni 2015-ci ilin noyabrın 27-dən tutub. Onun istefasına səbəb Baş Prokurorluğun 2017-ci ilin dekabrın 1-də Tbilisidə 51 saylı ictimai məktəbin iki şagirdinin qətli ilə bağlı səs-küylü məhkəmə qərarını qüvvədə saxlamasından sonra kütləvi etirazlar olub.
Rubrika.Az
Geri qayıt