BP Azərbaycanda neft hasilatını azaldır
28-04-2020, 15:37
Böyük Britaniyanın BP şirkəti OPEK+ sazişində iştirak edən ölkələrdə neft hasilatını azaltmağa hazır olduğunu bildirib.
Rubrika.az-ın Trend-ə istinadla məlumatına görə, bunu BP-nin upstream-layihələr üzrə icraçı maliyyə direktoru Mürrey Oçinkloss investorlarla videokonfrans zamanı deyib.
O bildirib ki, hazırda hasilatın azalması barədə danışıqlar aparılır:
“Bu gün biz Anqola, Azərbaycan, Rusiya və Yaxın Şərqdə danışıqlar aparırıq. Konkret rəqəmlər məlum deyil, amma onu deyə bilərəm ki, OPEK+ sazişi ilə əlaqədar ikinci rübdə hasilatın azalmasının şahidi olacağıq”.
Qeyd edək ki, OPEK+ sazişi çərçivəsində hasilatçı ölkələr may-iyun aylarında hasilatı sutkada 9,7 milyon barrel azaldacaq.
Rubrika/Az
Geri qayıt