Britaniyada koronavirusa yoluxanların sayı 250 mini ötdü
21-05-2020, 18:37
Böyük Britaniyada son sutkada 338 nəfər COVID-19-un qurbanı olub.
Rubrika.Az xəbər verir ki, bunu krallığın Səhiyyə və Sosial Müdafiə Nazirliyi açıqlayıb.
Məlumata görə, Birləşmiş Krallıqda ölənlərin sayı 36 042-yə çatıb. Yoluxma faktlarının sayı daha 2 615 nəfər artaraq 250 908-ə yüksəlib.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.
Dünyada koronavirus infeksiyasına indiyədək yoluxanların sayı 5,1 milyonu ötüb. Bunların 2 milyon nəfərdən çoxu sağalıb, 330 mindən çoxu isə ölüb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
Rubrika.Az
Geri qayıt