“Neftçi” “Keşlə”yə qalib gəldi
10-06-2020, 20:37
Bu gün “Neftçi” və “Keşlə” komandaları arasında yoxlama oyunu keçirilib.
Rubrika.Az xəbər verir ki, “Bakcell Arena”da baş tutan görüş “Neftçi”nin 3:1 hesablı qələbəsi ilə yekunlaşıb.
Oyunda hesabı Emin Mahmudov açıb. “Neftçi” kapitanı 10-cu dəqiqədə penaltini dəqiq yerinə yetirib.
Kapitan iki dəqiqə sonra fərqi bir qədər də artırıb.
İkinci hissədə “Keşlə” qollardan birinin əvəzini çıxsa da, “Neftçi”li Rəhman Hacıyev yekun nəticəni elan edib – 3:1.
Beləliklə, “Neftçi” koronavirus pandemiyası ilə bağlı karantin dövründə keçirdiyi ilk oyunda qələbə qazanıb.
Qeyd edək ki, dünən “Qarabağ” yoxlama oyununda “Sabah”a 5:0 hesabı ilə qalib gəlib.
Rubrika.Az
Geri qayıt