Çavuşoğlu: “Aya-Sofya ilə bağlı heç bir ölkə Türkiyəni ittiham edə bilməz”
11-06-2020, 18:46
“Aya-Sofya qətiyyən beynəlxalq müstəvidə müzakirə ediləcək mövzu deyil. Bu, milli suverenlik məsələsidir”.
Rubrika.Az-ın Musavat.com-a istinadən xəbərinə görə, bunu Türkiyənin Xarici İşlər naziri Mövlud Çavuşoğlu NTV-yə müsahibəsində deyib.
O bildirib ki, Aya-Sofya ilə bağlı heç bir ölkə Türkiyəni ittiham edə bilməz: “1453-cü ildə İstanbulun fəthi ilə Osmanlının əmlakı olan Aya-Sofya Türkiyənin mülkiyyətindədir. 1462-ci ildə isə məscid olaraq Fatih Vəqfinə istifadəyə verilib. ABŞ irqçilik, müsəlman düşmənçiliyi, ksenofobiya problemlərinin həllini düşünməlidir. 1972-ci ildə UNESCO-da qəbul edilən sazişə görə, hər hansı bir mülkiyyətin tarixi quruluşuna toxunmadan onu məscid və ya başqa bir şəkildə istifadəyə verilməsi əmlak sahibinin öz hüququdur”.
Nazir qeyd edib k, Aya-Sofiyanın məscid kimi istifadəyə verilməsi ilə bağlı Dövlət Şurası qərar verəcək: “Şuranın qərarını gözləyirik”.
M. Cavuşoğlu Yunanıstanın bu məsələdə mövqeyini də şərh edib: “Dini inanc mövzusunda dünyaya dərs verə biləcək ən sonuncu ölkələrdən biri Yunanıstandır. Avropada müsəlmanların ibadəti üçün məscidin olmadığı yeganə paytaxt Afinadır”.
Rubrika.Az
Geri qayıt