Göyçayda bir küçədə 3 yol-nəqliyyat hadisəsi olub, xəsarət alanlar var - FOTO
2-07-2020, 18:00
Göyçay rayonunda xəsarətlə nəticələnən yol-nəqliyyat hadisələri baş verib.
Rubrika.Az-ın xəbərinə görə, bu gün saat 15:00 radələrində Göyçay şəhərinin Nizami küçəsində "Mercedes" və "Lada" markalı minik avtomobilləri toqquşub. Zərbənin təsirindən "Mercedes" yoldan çıxaraq hasara çırpılıb. Hadisə zamanı sərnişin, Qarayazı kənd sakini, 1961-ci il təvəllüdlü Mustafayeva Kainat Əzim qızı xəsarətlə Göyçay rayon Mərkəzi Xəstəxanasına yerləşdirilib.
Eyni vaxtda həmin küçədə "Mercedes" və "VAZ-2106" markalı minik avtomobilləri toqquşub. Xəsarət alan olmasa da avtomobillərə ciddi ziyan dəyib.
Bir neçə dəqiqə sonra həmin yerdə "VAZ-2109" markalı minik avtomobili yolu keçən piyada, Göyçay şəhər sakini, 1987-ci il təvəllüdlü Əlimərdanova Günay Rəcəb qızını vurub. Yaralı Göyçay rayon Mərkəzi Xəstəxanasına yerləşdirilib.
Hər üç faktla bağlı Göyçay rayon Polis Şöbəsi tərəfindən araşdırma aparılır.
Rubrika.Az
Geri qayıt