Zakir Həsənov iki korpus komandirini ehtiyata buraxdı – RƏSMİ
8-02-2021, 17:21
Azərbaycanda iki general ehtiyata buraxılıb.
Rubrika.Az bu barədə Müdafiə Nazirliyinin Mətbuat xidmətindən məlumat əldə edib.
Məlumata əsasən, Müdafiə naziri Zakir Həsənovun imzaladığı əmrlə 3-cü ordu korpusu – Şəmkir hərbi birləşməsinin komandiri, general-mayor Xəqani Cəbrayılov ehtiyata buraxılıb.
Digər əmrlə 4-cü Ordu korpusunun – Bakı hərbi birləşməsinin komandiri, general-leytenant Rövşən Əkbərov ehtiyata buraxılıb.
Qeyd edək ki, 44 günlük Vətən müharibəsi dövründə hər iki generalın vəzifəsindən kənarlaşdırılması barədə məlumatlar yayılmışdı.
Rubrika.Az
Geri qayıt