Hamılıqla Bakıdakı ABŞ səfirliyinə... -ermənisifət Baydenə etiraz çağırışı - Əsl dəli Bayden imiş..
25-04-2021, 22:33
İlham Əliyev: «Biz hər zaman Türkiyənin yanında olacağıq»
ABŞ-ın ahıl, yaddaşsız, bir dediyi o biri ilə üstə-üstə düşməyən ermənipərəst prezidenti Cozef Baydenin “soyqırım” ifadəsini işlədəcəyi gözlənilən idi. Çünki Bayden 1992-ci ildə Azərbaycana qarşı olan bədnam “907”-ci düzəlişin həmmüəlliflərindən biridir.
Bu huşsuz qocanın Konqresdə ermənilərə humanitar yardımlar göndərilməsi üçün həmişə təşəbbüskarlıq göstərdiyini də yaddaşlardan silmək olmaz.
Ona görə aprelin 24-də heç bir hüquqi əsası olmayan, əslində siyasi mahiyyət daşıyan “erməni soyqırımı” ifadəsinin Baydenin ağzından çıxacağı təəccüb doğurmadı.
Rublika.Az bildirir ki, Azərbaycan cəmiyyətinin sosial şəbəkə üzərindən ABŞ prezidentinə etirazları göz qabağındadır. Lakin virtual etirazlar yetərli deyil.
Ölkə ictimaiyyətinin tanınan simaları, media kapitanları bir araya gələrək ən azı Amerikanın Bakıdakı səfirliyi önündə piket keçirməli, etirazını çatdırmalı, qətnaməni səfirliyə təqdim etməlidir.
Eyni zamanda, Xarici İşlər Nazirliyi ABŞ səfirini çağıraraq Baydenin mövqeyini qınamalıdır. Habelə, ABŞ-dakı Azərbaycan konsulluğu bəyanat verməli, diaspora təşkilatları ayrı-ayrı şəhərlərdə aksiyalar keçirməli, bu antitürk açıqlamaya kəskin reaksiyasını bildirməlidir.
Bu, həm Azərbaycan dövlətinin və xalqının münasibəti demək olacaq, həm də qardaş Türkiyəyə balaca qardaşı olaraq dəstəyimiz görünəcək.
Əfsus ki, Amerikadakı bir dəstə başıpozuq, şovinist ermənilər Baydenə təşəkkür əvəzi çıxaraq aksiya keçirmiş, toy-bayram etmişdilər. Bu xəstə təfəkkürlü ermənilər hələ də qanmırlar ki, 106 il qabağa dönüb nağıllara inanmaq gerizəkalılıqdır.
Üstəlik, Baydenin bu açıqlamasının heç də ermənilərin qara qaşına-gözünə aşiq olduğu üçün deyil, NATO-da ikinci ordu sayılan Türkiyənin müstəqil siyasətinə qarşı yönəlik təzyiq olduğunu dərk etmək lazımdır.
Türkiyənin güclənməsi, NATO müttəfiqlərindən asılı olmaması, Aralıq dənizində regional gücə çevrilməsi, Cənubi Qafqazda belə mövcudluğu rəqiblərinin ürəyincə deyil, qıcıq doğurur.
Bayden məhz bu müstəqil siyasətdən hiddətlənərək qoca hikkəsini göstərir, türk dünyasının böyük şəxsiyyəti Ərdoğanın fəaliyyətindən narahatlığını etiraf edir.
Əslində qızıldərililərə divan tutmuş, Naqasaki və Xirosimaya atdığı bombalardan iki şəhəri xəritədən silmiş, Vyetnamda minlərlə insanın həyatına son qoymuş, İraqda qanlar tökmüş ABŞ-ın “soyqırım deməsi və genosiddən danışması da bir ayrı absurddur.
Rublika.Az yazır ki, bütün baş verənlərə, Baydenin sərsəm çıxışına Azərbaycan ictimaiyyəti olaraq etiraz bildirmək zamanıdır. Bunun üçün ABŞ səfirliyi qarşısında pandemiyanın olduğunu nəzərə alaraq və karantin qaydalarına riayət edərək piket təşkilinə zərurət var.
Amerika Azərbaycan cəmiyyətinin ermənisifət Baydenin mövqeyinə münasibətini bilməlidir. Onu da bilməlidir ki, soyqırım edən varsa, o da ermənilərdir - Xocalıda, Şamaxıda, Bakıda, Lənkəranda...
Bu tarixi faktları, vəhşilikləri görməyən, ASALA terror təşkilatıının türk diplomatlarını terror etməsini dilə gətirməyən, uzaq keçmiş olmayan 44 günlük müharibədə Gəncəni, Bərdəni, Tərtəri terror edib mülki insanların həyatına son qoyan erməni faşistlərinin bu əməllərini etiraf etməyən Baydenin 106 il əvvəlki hadisələrdən danışması qərəzdən xəbər verir. Bu mənada qardaş Türkiyəyə dəstək olmalıyıq.
Necə ki qardaş ölkə Vətən müharibəsində hər zaman yanımızda oldu, siyasi-mənəvi köməyini əsirgəmədi. İndi növbə bizimdir, Türkiyəyə əl uzadan, ona çamur atan, şərləyən şarlatanlara, şər qüvvələrə qarşı birlik, həmrəylik göstərməliyik.
ABŞ səfirliyinin diqqətinə çatdırmaq lazımdır ki, onların yaddaşsız, hərəkətlərini cilovlaya bilməyən prezidenti hansı tarixi səhvə yol verib, qotur ermənilərə görə öz müttəfiqini itirmək kimi yanlışlıq buraxır.
Azərbaycan və Türkiyə prezidentləri bu məsələdə dərhal zəngləşdilər, hər iki tərəf Baydenin açıqlamasını qınadılar, deməli, növbə media ictimaiyyətinin və siyasi təşkilatlarındır.
Azərbaycanın siyasi partiyaları, QHT-ləri öz mövqeyini bildirməlidir, gənclər təşkilatları, müxtəlif siyasi quruluşlar Amerikanın “soyqırım” sevdasına etiraz etməlidir.
Onu da xatırlamaq lazımdır ki, 1982-ci ildə ABŞ prezidenti Reyqan da belə bir ifadə işlətmişdi. Amma bunun Ankara üçün hüquqi bir çəkisi olmadı. Bundan sonra da olmayacaq.
Bir xüsusat da odur ki, Baydenkimilər ermənilərin zərərli xülyalardan ayılmalarına imkan vermirlər. Onların “Böyük Ermənistan”, “köçəri türklərin əzib-qırdığı əzabkeş xalq”, “ali irq” kimi şirinli-acılı nağılların içində uyumalarına yardım edirlər.
Onları öz gerçək qonşularına düşmən kimi qalmalarına yağ sürtürlər. Onları tarixin gerçək və uydurma acılarını tarixə buraxıb bugünü birgə, barış və inkişaf içində yaşamaq əvəzinə izolyasiyaya, qonşulara nifrətə, yeni faciələrə sürükləyirlər.
Baydenin açıqlamasının heç bir hüquqi qüvvəsi yoxdur, 106 il bundan əvvəl baş verənləri sivil cəmiyyətləri maraqlandırmır. Odur ki, bu sadəcə mənasız müzakirələrə yol açacaq və ondan zərər çəkənlərdən biri də ermənilər özü olacaq. Çünki, tarixi saxtalaşdıranlar həmişə uduzub. Trampa dəli deyirdilər. Əsl dəli Bayden imiş..
Rubrika.Az-ın redaksiya kollektivi
Geri qayıt