Cüdo millilərimizin yeni baş məşqçilərinin adları açıqlandı
6-01-2022, 16:12
Azərbaycan Cüdo Federasiyasının iclası keçirilib.
Federasiyadan verilən məlumata görə toplantıda cüdo üzrə Azərbaycan milli komandalarının yeni məşqçilər heyəti təsdiqlənib.
Gənclərdən ibarət yığmanın baş məşqçisi Elçin İsmayılov böyüklərdən ibarət komandanın məşqçisi təyin edilib. Onunla yanaşı Mehman Əzizov da baş məşqçi Mövlud Mirəliyevin köməkçisi təyin olunub. Gənclərdən ibarət yığmanın məşqisi Zaur Babayev də işini əsas millidə davam etdirəcək.
Əsas millinin sabiq məşqçisi Avropa və dünya çempionu Elxan Məmmədov gənclərdən ibarət komandanın baş məşqçisi olub. Əsas yığmada məşqçi vəzifəsindən ayrılan Elxan Rəcəbli və Rüstəm Alimli Məmmədovun köməkçisi olacaqlar.
Bundan əlavə, sabiq cüdoçulardan Nicat Şıxəlizadə yeniyetmələrdən ibarət komandaya, Kifayət Qasımova isə qadınlardan ibarət komandaya məşqçi ediliblər.
Böyüklərdən ibarət komanda
Baş məşqçi: Mövlud Mirəliyev
Böyük məşqçi: Elçin İsmayılov
Məşqçilər: Mehman Əzizov, Zaur Babayev
Gənclərdən ibarət komanda
Baş məşqçi: Elxan Məmmədov
Məşqçilər: Elxan Rəcəbli, Rüstəm Alimli
Yeniyetmələrdən ibarət komanda
Baş məşqçi: Ramiz Ramizzadə
Məşqçilər: Emin İskəndərov, Nicat Şıxəlizadə
Qadınlardan ibarət komanda
Baş məşqçi: Rəşad Məmmədov
Məşqçi: İmamverdi Məmmədov
Məşqçilər (gənclər): Vüqar Hüseynov, Kifayət Qasımova
Məşqçi (yeniyetmələr): Elnur İsmayılov
Rubrika.az
Geri qayıt