Mədəniyyət nazirinin sabiq müavini kassasiya şikayəti verib
14-02-2022, 11:36
Azərbaycan mədəniyyət nazirinin sabiq müavini Rafiq Bayramovun barəsində olan hökmdən kassasiya şikayəti verilib. RUBRIKA.AZ "Report"a istinadla xəbər verir ki, Ali Məhkəmədə keçiriləcək ilkin baxış iclası fevralın 16-na təyin edilib.
Şikayət hakim Əziz Seyidovun sədrliyi ilə araşdırılacaq.
Qeyd edək ki, R.Bayramov 2020-ci ilin may ayında Dövlət Təhlükəsizliyi Xidməti tərəfindən keçirilən əməliyyat zamanı həbs olunub.
Bakı Ağır Cinayətlər Məhkəməsinin hökmü ilə o, 8 il müddətinə azadlıqdan məhrum edilib. Hökmdən narazı qalan məhkum apellyasiya şikayəti verib. Bakı Apellyasiya Məhkəməsi onun cəzasını 4 il 6 aya endirib.
Rubrika.az
Geri qayıt