“Qəbələ” UEFA Gənclər Liqasına məğlubiyyətlə başladı
12-09-2022, 22:21
“Qəbələ” klubunun 19 yaşadək futbolçulardan ibarət komandası UEFA Gənclər Liqasında mübarizəyə başlayıb.
“Report”un məlumatına görə, Zaur Hacıyevin baş məşqçi olduğu kollektiv I mərhələnin ilk oyununda Xorvatiyada “Hayduk”la üz-üzə gəlib.
“Polyud” stadionundakı görüş “qırmızı-qaralar”ın 0:3 hesablı məğlubuiyyəti ilə başa çatıb.
Meydan sahiblərindən qolları 24-cü dəqiqədə Yere Vrçiç, 51-ci dəqiqədə Marun Kalusiç və 83-cü dəqiqədə Kresimir Nazor vurub.
Qeyd edək ki, cavab görüşü oktyabrın 4-də Qəbələdə olacaq.
Rubrika.az
Geri qayıt