Aİ Ukraynaya yardımla bağlı Macarıstanın şərti ilə qismən razılaşmağa hazırdır - "Reuters"
31-01-2024, 19:35
Avropa İttifaqı liderləri Macarıstanın müqavimətini dəf etmək üçün Ukraynaya planlaşdırılan 50 milyard avro (54 milyard dollar) yardım paketi ilə bağlı fevralın 1-də illik müzakirələr keçirməyi təklif edəcəklər
Rubrika.Az xəbər verir ki, bu barədə "Reuters" sammitin yekun layihəsinə istinadən yazır.
Qeyd olunur ki, Aİ liderləri Avropa Komissiyasının hesabatlarına əsasən, blokun pullarının Ukrayna tərəfindən necə xərclənməsi ilə bağlı illik debatların keçirilməsinin mümkünlüyünü bəyan ediblər. Bu, Macarıstana vəsaitin ayrılmasına veto qoymaq hüququ verməyəcək.
Jurnalistlərin dediyinə görə, Macarıstan ona hər il ödənişlərə veto qoymaq səlahiyyəti verəcək illik baxışı keçirməyə çalışır. Bu, təklif olunan maliyyələşdirmə ideyasına ziddir və digər Aİ ölkələri bu variantı rədd edir.
Layihədə deyilir: "Avropa Şurası Rusiyanın Ukraynaya qarşı apardığı işğalçılıq müharibəsi nəticəsində yaranmış vəziyyətə Aİ-nin yanaşmasına dair tövsiyələr vermək məqsədi ilə fondun icrası ilə bağlı illik debatlar keçirəcək”.
Agentliyin istinad etdiyi diplomatlar bildirir ki, Budapeşt təkcə illik veto hüququ deyil, həm də AB-nin bərpa fonduna birgə borc almasına xidmət etmək üçün artan xərclərdə iştirak etmək istəmir və iddia edir ki, qanunun aliliyi problemləri səbəbindən özünə düşən pulunu almayıb.
Macarıstan üçün bərpa fondları hələ də dondurulmuş olaraq qalır və proqramın müddəti 2026-cı ildə başa çatacaq, Budapeşt həmçinin Aİ-nin proqramı iki il - 2028-ci ilə qədər uzatmasını istəyir.
Lakin diplomatlar və Aİ rəsmiləri deyirlər ki, nə artan faiz xərclərindən imtina, nə də bərpa fondu proqramının uzadılması qanuni olaraq mümkündür.
Macarıstanın baş naziri Viktor Orban yanvarın 30-da bildirib ki, o, bir şərtlə Aİ-dən Ukraynaya 50 milyard avro məbləğində yardımın ayrılmasına razılıq verməyə hazırdır. Məsələ ondadır ki, məbləğ hər il yekdilliklə təsdiqlənəcək.
Orbanın müşaviri yanvarın 29-da bildirib ki, Macarıstan Aİ-nin Ukraynaya təklif etdiyi yardım paketinin fevralın 1-də keçiriləcək fövqəladə sammitdən əvvəl blokun büdcəsindən maliyyələşdirilməsinə imkan verəcək kompromis əldə etməyə hazır olduğunu bəyan edib.
Bundan əvvəl UNIAN yazıb ki, Orban Ukraynaya yardımı əngəlləsə, Brüssel Macarıstan iqtisadiyyatına zərbə vuracaq.
Rubrika.Az
Geri qayıt