Bayden İranın İsrailə hücumundan sonra niyə çıxış etməyib? – Səbəb
15-04-2024, 12:42
Amerika lideri Cozef Bayden İranın İsrailə hücumundan dərhal sonra televiziya ilə xalqa müraciət edə bilərdi, lakin bu ideyadan vaz keçib.
Runrika.Az xəbər verir ki, ABŞ-da çıxan “Politico” qəzeti bu imtinanın səbəbləri barədə Amerika administrasiyasındakı mənbələrə istinadla məlumat yayıb.
Nəşrin qaynaqlarının sözlərinə görə ABŞ prezidentinin köməkçiləri Bydenin çıxışından sonra İran-İsrail münaqişəsinin daha da gərginləşməsindən ehtiyat ediblər.
"Bayden İranın zərbəsindən sonra bilərəkdən ictimaiyyət qarşısına çıxmadı", - mənbələr bildiriblər.
Belə bir çıxışın təşkili üçün konkret plan olmayıb. Qeyd olunur ki, bu ideya həyata keçirilsəydi, vəziyyət daha da gərginləşərdi..
İranın İsrailə hücumu Təl-Əvivin Suriyada İran konsulluğunu vurmasına cavab olub. Hadisədən dərhal sonra Bayden İsrailin baş naziri Benyamin Netanyahu ilə danışıb və onu İranın raket hücumuna cavabı gecikdirməyə inandırıb.
Rubrika.az
Geri qayıt