1000 il ərzində hökmdarlar olmadan çiçəklənən qədim yaşayış məskəni tapılıb
8-04-2025, 12:20
Barselona Muxtar Universitetinin (UAB) ispan arxeoloqları Avropanın ən böyük Mis dövrü yaşayış məntəqəsi Valensina de la Koncepsian haqqında anlayışlarını yenidən nəzərdən keçiriblər. Onlar sübut ediblər ki, burada min il (e.ə. 3300-2150-ci illər) açıq-aşkar sosial bərabərsizlik əlamətləri olmayan sabit cəmiyyət mövcud olub...
Poliqon xəbər verir ki, tədqiqat Journal of Archaeological Science: Reports (JASR) elmi jurnalında dərc olunub.
Valensina de la Koncepsion 450 hektar ərazini əhatə edib və bir neçə min nəfər əhalisi olub. Elm adamları yaşayış və istehsal sahələrindən, o cümlədən daxmalardan və emalatxanalardan olan artefaktları təhlil etmək üçün texnoloji və radiokarbon tarixlərindən istifadə ediblər.
635 daş alətin tədqiqi göstərib ki, sakinlər əkinçiliklə, dəri, metal və digər materialların emalı ilə məşğul olublar, lakin sərvət toplamayıblar. Bu, məskunlaşmanın ritual təbiəti ilə bağlı nəzəriyyələri təkzib edir. Alətlər üçün xammal 30 km radiusda hasil edilib və onların təkrar istifadəsi rasional idarəetmədən xəbər verir.
Arxeoloqlar deyirlər ki, Valensina de la Koncepsion göstərir ki, mürəkkəb cəmiyyətlər sərt hakimiyyət olmadan mövcud ola bilər. Yaşayış məntəqəsinin davamlılığı, istismara əsaslanan sonrakı sistemlərlə ziddiyyət təşkil edən resursların bərabər paylanması ilə təmin edilib.
Yaşayış məntəqəsi 1000 ildən çox çiçəkləndi, yalnız əhalinin sıxlığında dəyişikliklər yaşayıb.
"Bu cəmiyyət tərəqqi ilə iyerarxiyanı əlaqələndirən təkamül modellərinə meydan oxuyur", deyə tədqiqatln koordinatoru Roberto Riş bildirib.
Rubrika.az
Geri qayıt