ABŞ Ədliyyə Nazirliyi tərəfindən məxfiliyi ləğv edilmiş yeni "Epşteyn sənədləri" həm siyasi dünyanı, həm də sosial medianı sarsıtmağa davam edir.

Rublika.az musavat.com-a istinadən xəbər verir ki, sənədlərdəki ən vahiməli detallardan biri Ceffri Epşteynin 2018-ci ildə sifariş etdiyi 1250 litr sulfat turşusu ilə bağlıdır.

Sulfat turşusu: Su təmizləmə, yoxsa "izləri itirmək"?

Məxfi sənədlərə görə, Epşteyn bu nəhəng həcmdə turşunu 2018-ci ildə, həbsindən bir il əvvəl sifariş edib. Turşunun hara aparıldığı rəsmən göstərilməsə də, araşdırmaçı jurnalistlər və sosial media istifadəçiləri iki əsas versiya üzərində dayanırlar:

Vahiməli ehtimal: Sulfat turşusu bioloji qalıqları və sümükləri sürətlə əritmək qabiliyyətinə malikdir. Bu, Epşteynin öz adasında baş vermiş cinayətlərin izlərini və cəsədləri itirmək üçün bu maddədən istifadə etdiyi şübhələrini artırıb.

Müdafiə tərəfinə yaxın mənbələr iddia edirlər ki, turşu adadakı dəniz suyunu şirinləşdirən sistemlərin (osmos qurğularının) təmizlənməsi üçün lazım olub. Lakin 1250 litr kimi böyük həcm bu izahı şübhə altına qoyur.

İlon Maskdan "çıxış yolu" təklifi
Sosial media nəhəngi "X"-in (Twitter) sahibi İlon Mask bu xəbərlərə "Çox qəribədir" rəyi ilə reaksiya verib. Bununla kifayətlənməyən milyarder, Epşteyn qurbanlarına müraciət edərək sensasion bir vəd verib:

"Əgər Epşteynin müştərilərinin adlarını açıqlasanız və buna görə məhkəməyə verilsəniz, sizin bütün hüquqi müdafiə xərclərinizi mən ödəyəcəyəm".

Mask həmçinin hazırkı ABŞ administrasiyasını (və Trampın bəzi kadrlarını) Epşteyn siyahısını tam açıqlamamaqda ittiham edərək, bu məsələni özünün "Amerika Partiyası" üçün prioritet elan edib.

Epşteyn skandalının dalğaları Avropaya, xüsusən də Norveçə çatıb. Norveçin İordaniyadakı səfiri Mona Yuul maliyyəçi ilə gizli əlaqələrinin üzə çıxmasından sonra istefa verməli olub.

Vəsiyyətnamə şoku: Məlum olub ki, Epşteyn ölümündən bir neçə gün əvvəl yazdığı vəsiyyətnaməsində Mona Yuul və həyat yoldaşı Terye Red-Larsenin iki övladının hər birinə 5 milyon dollar (cəmi 10 milyon dollar) miras qoyub.

Sənədlərdə Norveç vəliəhd şahzadəsi Mette-Maritin də adı 1000-dən çox yerdə keçir. Şahzadə Epşteynlə "səhv dostluq" etdiyini etiraf edərək xalqdan üzr istəyib.

Hazırda ABŞ Konqresində "Epşteyn siyahısı"nın tam şəkildə, ixtisarsız dərc olunması üçün təzyiqlər artmaqdadır.

Rublika.az

Facebook-da paylaş