Uşaq Nevroloji Xəstəxanası əməllərindən çəkinmir

Daxil olan məlumata görə, tibb ocağında soyğunçuluq davam edir.

İddialara görə, valideynlər uşaqlarını bu tibb müəssisəsinə gətirməkdən beziblər. Onlar bilirlər ki, yenə də qarşıda bazar mühiti gözləyir.

Baş həkimin yaratdığı bazar ab-habası səhiyyə ocağında həkimlərin özəl klinikalar üçün bu müəssisədən müştəri tapmaq meydanına çevrilib.

Burada Mehriban, Sveta, Füzuli və başqa həkimlərin qəbuluna düşmək çox çətin işdir. Xəstəxanada həkimlərin rüşvət mexanizmi və soyğunçuluq prinsipləri özəl klinikalara xəstə daşımaqdan ibarətdir.

Bu xəstəxanada heç bir xəstə pulsuz müalicə və müayinə edilmir. Baxmayaraq ki, Səhiyyə Nazirliyi dövlət xəstəxanalarında müalicə və müayinənin pulsuz olduğunu bildirir.(politika.az)Mediada yayılmış xəbərlərdə də bu tibb ocağı əsasən klinikaların bazar deposu kimi tanınır. Bu xəstəxanadan pasinetlər özəl klinikalarla əməkdaşlıq edən həkimlərə yönəldilir. Nəticədə həmin həkimlərdən faiz alınır.
Redakiyamıza daxil olan məlumata görə, Nevroloji Xəstəxanasında bir xəstə uşağın müayinəsi üçün özəl qiymətlər müəyyənləşdirilib.

Həkimlərin əksəriyyəti 20-30 manat verilməyəcəyi təqdirdə xəstə uşağı müayinə etmir, müalicə resepti yazmır.

Azərbaycanda səhiyyənin pulsuz olduğunu Səhiyyə Nazirliyi hər nə qədər uca səslə bəyan etsə də, reallıq tamam başqadır. Bu gün elə dövlət xəstəxanası yoxdur ki, orada pul alınmasın və ya həkimlər pulsuz xəstəni müayinə etsinlər.

Xəstələri müalicə etmək əvəzinə, onlara mütəmadi pul mənbəyi kimi baxan tibb ocaqlarından biri də Uşaq Nevroloji Xəstəxanasındır. Belə ki, burada sözün həqiqi mənasında soyğunçuluqla məşğuldurlar.

Qapıdan içəri girdiyin andan «əlin cibində olsun» deyərək, həkimə qədər adamı yola salanlar, sonra da içəridə insafı Allaha qalmış tibb işçisi ilə üz-üzə dayanmalı olursan.

Qapıdan içəri girən kimi aşağıdan yuxarı səni süzən həkimlər xəstəyə də gözucu diqqət yetirdikdən sonra sağa-sola vurnuxmağa başlayırlar. Yəni, «pul ver, sonra uşağın dərdini deyək» misalı.

Vəziyyət ondan ibarətdir ki, həkimlər özləri qəsdən xəstənin müalicə müddətini maksimum həddə yubadırlar. Ən azı bir il uşaq xəstə kimi gəlib, getməlidir.

Bir çox hallarda bu rəqəm bir neçə ilə qədər uzadılır ki, əlavə qazanc mənbəyi olsunlar. Dəqiqləşdirmələrimizə görə, belə xəstə uşaqların sayı minlərlədir.

Uşaq Nevroloji Xəstəxanasında çalışan həkimlərin böyük əksəriyyətinin apteklərlə xüsusi anlaşması var. Bunu təsdiqləyən ən vacib amil resseptə yazılan dərmanların bir çoxunun heç bir aptekdən tapılmamasıdır.

Uşaq Nevroloji Xəstəxanasında bir sıra həkimlər var ki, onların növbəsinə yazılmaq üçün səhər saat 7.00-dan xəstəxanın qarşısını kəsdirmək tələb olunur.

Son illər nevroloji xəstəliklərdən ölüm halları digər xəstəliklərdən ölüm hadisələri ilə müqayisədə irəliləməkdədir.

Nevroloji xəstəliklərdən əziyyət çəkən uşaqların ən çox müalicə olunduğu səhiyyə müəssisəsi Bakıdakı Uşaq Nevrolloji Xəstəxanasıdır.

Mövzunu diqqətdə saxlayacağıq.

Rubrika.az

Facebook-da paylaş