Məktəbin direktoru Arzu Əliyevadan Təhsil Nazirinə şikayət olundu

Azərbaycanın təhsil sistemində uzun illər boyunca islahatlar aparılsa da bu sahədə həllini gözləyən problemlər yetərincədir. Xüsusilə müxtəlif təhsil ocaqlarında hökm sürən korrupsiya və rüşvətxorluq halları ilə bağlı məlumatlar son dövrlər xüsusliə intensivləşib. Təəssüf ki, orta təhsil müəssisələrinin adları qazandığı uğurlardan daha çox belə neqativ əməllərlə medyanın bəzəyinə çevrilir.

Rubrika.az saytına Gəncədə yerləşən 10 saylı tam orta məktəbdə baş verənlərlə bağlı ilginc məlumatlar daxil olub. Verilən xəbərlərə görə məktəbdə hökm sürən dözülməz vəziyyət haqqında Təhsil nazirliyinə və digər aidiyyatlı qurumlara müraciət ünvanlanıb. Məktəbin kollektivi direktor Arzu Əliyevanın fəaliyyətindən şikayətçidir, onun rəhbərliyinin ancaq şəxsi maraqlarına xidmət etdiyi göstərilir.

Məlumatlara görə əvvəllər Samux rayonu Navağalı qəsəbə məktəbinin, eyni zamanda seçki məntəqəsinin sədri vəzifəsində işləyən Arzu Əliyeva yarıtmaz fəaliyyətinə görə rayonun sabiq rəhbəri Vilyam Hacıyev tərəfindən vəzifədən qovulub. Eyni zamanda Samux rayon icra hakimiyyətində işləyən həyat yoldaşı Qəzənfər də V. Hacıyev tərəfindən vəzifədən azad olunub. Lakin, Alı Qocayevin Samux rayonuna gəlişindən sonra Qəzənfər yenidən icra başçısının təsərrüfat məsələləri üzrə müavini təyin edilib. Onun Gəncə şəhər icra başçısı Elmar Vəliyevlə olan yaxın münasibətləri Arzu Əliyevanın 10 saylı orta məktəbə direktor təyin edilməsi ilə nəticələnib.

Müəllimlərin verdiyi məlumata görə direktor məktəbdə əsl diktatura üsulu yaradıb. Pedaqoji kollektivin rəyi ilə hesablaşmayan, hətta müəllimlərin üstünə qışqırmaqdan, onlara hədə-qorxu gəlməkdən belə çəkinməyən A. Əliyeva şikayət edənlərə “gedin kimə istəyirsinizsə deyin, kimsədən çəkinmirəm” deyir. Müəllimləri şagirdlərin qarşısında alçaldan direktorun əməlləri heç bir pedaqoji etikaya sığışmır.

Rubrika.az-a daxil olan məlumatlarda bildirilir ki, məktəbdə rüşvət və korrupsiya ayaq açıb yeriyir. Hər ay müəllimlərdən müxtəlif adlar altında pul toplanılır.

Məktəbəqədər hazırlıq qruplarında dərs demək üçün məktəbin iki laborantın hərəsindən 5000 manat pul alaraq həmin qrupları onlara vermişdir,həmin işçilər qanunsuz hazırlıq qruplarında dərs aparırlar. Daha sonra Rubrika.az-a verilən məlumatlarda göstərilir ki, əmək haqqı məktəbin Aybəniz və Sona adlı müəllimələrinin adına yazılır və həmin pullar Arzu Əliyevaya çatır.Arzu Əliyeva məktəbə gəldiyi gündən məktəbin təsərrüfat işləri üzrə direktor müavini Vahid adlı şəxsi heç bir səbəb olmadan işdən çıxarıb.Onun əvəzınə 6000 manat müqabilində Kazımov Arzu adlı şəxsi işə qəbul edib.Bufetdə şagirdlərə xidmət göstərən xadimə Təranə adlı şəxs ümumiyyətlə, işə gəlmir,lakin onun maaş kartı direktor Arzu Əliyevadadır.Məktəbdə dalandar vəzifəsinə isə adı məlum olmayan bir şəxsi təyin etmişdir və bu şəxs ümumiyyətlə, işə gəlmir,buna baxmayaraq onun da da maaş kartı Arzu Əliyevadadır və maaşını da Arzu Əliyeva alır. Binanın mühafizəsində növbətçi statında 2 nəfər işçi vardır,lakin bu şəxslər də heç vaxt işə gəlmirlər.Ona görə də həmin vəzifə Elman adlı kənar bir şəxs tərəfindən icra edilir,həmin işçilərin maaş kartı isə direktor Arzu Əliyevadadır.

Ümumiyyətlə belə kartlardan direktorda çox olduğu bildirilr. Arzu Əlievanın kollektivə hədə-qorxu gəlmək üçün Təhsil naziri Mikayıl Cabbarov və nazirin müavini Mətin Eynullayevlə yaxın münasibətləri olduğunu da tez-tez dilə gətirdiyi də verilən məlumatlar sırasındadır. Məktəb kollektivi Təhsil Nazirindən bu özbaşnalıqlara son qoymağı xahiş edir. Çünki 10 saylı məktəbdə baş verənlər heç bir pedaqoji etikaya və təhsil prosesinə aidiyyatı yoxdur.

ELMAN

Facebook-da paylaş