Naxçıvan Ali Məclisinin sədri Vasif Talıbovun 2017-ci il 6 fevral tarixli sərəncamı ilə Səbuhi Hidayət oğlu Məmmədov Naxçıvanın maliyyə naziri təyin edilib

Ali Məclisin Sədri Vasif Talıbovun həmin tarixli Sərəncamı ilə Xalid Səməd oğlu İsgəndərov maliyyə naziri vəzifəsindən azad olunub.

X.İsgəndərovun maliyyə naziri vəzifəsindən azad olunmasının qeyri-rəsmi səbəbləri olub.
Qaynağımız iddia edir ki, sabiq nazirin vəzifəsindən kənarlaşdırılması Türkiyədəki əlaqələri və Fətullah Gülən şəbəkəsi ilə bağlılığı olub.

X.İsgəndərovun fətullahçı qruplarla ticari münasibətləri haqda hələ illər qabaq mediada yazılar dərc olunub. Lakin o zaman bu məsələ gündəmdə olmayıb və həmin məsələlərin üzərindən sükutla keçilib.

Ancaq Azərbaycanda FƏTÖ şəbəkəsinin məhv edilməsinə başlanması Naxçıvan maliyyə nazirinin də mövqelərini zəiflədib.Sadəcə, proses ona gec çatıb.

Buna qədər Prezident Administrasiyasında Elnur Aslanov, parlamentdə Ceyhun Osmanlı “vurulub”, ardınca gülənçilərin media qolları və təhsil ocaqları, ticarət obyektləri sıradan çıxarılıb.

Nəhayət, dünənə kimi İğdır şəhərində və başqa bölgələrdə FƏTÖ-çu şəxslərlə əlaqəsi keçmiş maliyyə nazirinin vəzifəsini itirməsinə gətirib çıxarıb.

Daxil olan məlumatda iddia olunur ki, X.İsgəndərov haqda mətbuatın yazdıqlarına qısa ekskursiya etmək kifayətdir.

2014-cü ildə musavat.com-un təqdim etdiyi irihəcmli məqaləni iqtidaryönlü axar.az saytı da çap edir: 1992-ci ildən Azərbaycanda fəaliyyətə başlayan "Camaat" məktəblərinin ən rahat əl-qol açdığı bölgə Naxçıvandır.(politika.az)"Camaat"ın Naxçıvanda əsas məqsədi hakimiyyətdə təmsil olunaraq, açar mövqelərə yiyələnmək və iqtisadi projeləri uğurla həyata keçirmək olub:"Camaat" öz məktəblərində yetişdirdikləri naxçıvanlıları muxtar respublikanın bir neçə nazirliyində yerləşdirməyə nail olub.

Rəhbərlik bu işin icrasını birbaşa içəridə "Naxçıvan imamı" adlandırılan Süleyman Okumuşa tapşırmışdı. Okumuş "Camaat"a qoşulan naxçıvanlıları muxtar respublikanın dövlət idarələrinə yerləşdirmək üçün bir çox cəhdlər göstərib.

Öz adamlarını bir sıra nazirliklərə yerləşdirə bilsələr də, "Camaat" açar vəzifələri asanlıqla əldə etmədi.Yalnız 2004-cü ildə Naxçıvanın maliyyə nazirinin müavini Xalid İsgəndərovu Süleyman Okumuşun böyük səyi ilə maliyyə naziri kürsüsünə əyləşdirmək mümkün oldu.

Xalid İsgəndərovun nazirliyi dönəmində Naxçıvandakı bir sıra iri layihələri nurçu cameəyə məxsus Türkiyə şirkətləri gerçəkləşdirib: "Təbii, bu layihələri almaq üçün "Camaat" iri məbləğlərdə rüşvət də ödəyirdi. Ancaq qazanılan məbləğ təbii rüşvətdən qat-qat artıq olurdu.

Naxçıvanda ən iri layihələri həyata keçirən qurum "Camaat"a bağlı "Çoban Qrup" şirkəti idi. Ərzurumda ətriyyatçılıq məqsədilə yaradılan qrup Naxçıvanda tibb müəssisələrinin yaradılması, hətta təbii qaz xəttinin çəkilməsi kimi iri layihələr üzrə tenderləri "qazandı".

Aydın idi ki, bu məsələdə Xalid İsgəndərov və "Naxçıvan imamı" Süleyman Okumuşun böyük dəstəyi var. Bu dəstəyin qarşılığı olaraq "Çoban Qrup"un başçısı Şakir Çoban bütün muxtar respublika rəhbərliyinin payını artıqlaması ilə və vaxtında çatdırırdı.

2011-ci ildə Naxçıvan-Sədərək, Naxçıvan-Şahbuz təbii qaz xəttinin çəkilişini bu "ətriyyatçı" şirkət həyata keçirib.

Layihənin toplam dəyəri 50 milyon dollar idi. Özü də bu layihənin həyata keçirilməsi zamanı Azərbaycanın bütün qanunları çeynənir, hətta vəsait Şakir Çobana nağd olaraq verilirdi.

Rubrika.Az

Facebook-da paylaş