"2017-ci il dövlət büdcəsinin icrası haqqında” qanun layihəsi may ayında Milli Məclisdə müzakirə olunacaq”.

Reyting.az Modern.az-a istinadla xəbər verir ki, bu barədə Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov deyib. Onun sözlərinə görə, hələlik sənəd parlamentə daxil olmayıb.

Parlament üzvü bildirib ki, qanuna uyğun olaraq hər il mayda dövlət büdcəsinin icrası ilə bağlı sənəd Milli Məclisə təqdim olunaraq müzakirə edilir. Bu il də müzakirələr davam edəcək.

V.Əhmədov hazırda büdcənin icrası ilə bağlı məsələnin önəmli olduğunu vurğulayıb:

"Yalnız büdcənin təsdiq edilməsi deyil, onun icrası da böyük əhəmiyyət kəsb edir”.

Xatırladaq ki, büdcə təsdiq olunan zaman yarana biləcək risklərdən qorunmaq məqsədi ilə neftin qiyməti 3 ssenari üzrə - pessimist qiymətin 1 bareli - 35 ABŞ dolları, baza qiyməti - 40 ABŞ dolları, optimist - 45 ABŞ dollardan hesablanıb.

2017-ci ilin dövlət büdcəsində neftin qiyməti 40 dollardan götürülüb.

V.Əmədov deyib ki, büdcə müzakirələri zamanı bu və bir çox başqa məsələlərə baxılcaq.

"Büdcənin gəlirlər və xərclər hissəsinin istifadəsinin qanunauyğun olaraq həyata keçirilib-keçirilmədiyini biləcəyik. Büdcədən artıq, yoxsa əskik xərcləmələrə yol verilməsi müzakirə obyektidir”.

Bundan əlavə, büdcə ilə bağlı sənədin may ayındakı müzakirələrindən asılı olaraq, dövlət büdcəsinə müəyyən dəyişikiliklər edilməsi gözlənilir.

Bildiyiniz kimi, son illər dövlət və icmal büdcələrə yenidən baxılaraq düzəlişlərin edilməsi, əsasən, neftin dünya bazarındakı qiymətindən və manatın məzənnəsindən asılı olur”.

Rubrika.Az

Facebook-da paylaş