Bir müddət əvvəl Rusiyada yaşayan azərbaycanlılara “otxod”, Biləsuvarda aksiya keçirən köçkünlərə narkoman deyən deputat Astan Şahverdiyen ən yüksək səviyyədə cəzalandırılmışdı

Sonra A.Şahverdiyev xalqdan üzr istədi və uzun zaman susdu. Ancaq bu günlərdə Baş nazirin müavini Əli Həsənovun nəvəsinin törətdiyi məlum faciə ilə bağlı təzədən peydan olan deputat yenə sayıqladı.

O, əvvəlcə özünə ortaya ataraq guya ki, sükan arxasında Ə.Həsənovun nəvəsinin olmadığını dedi, sonra bu yalan üzə çıxanda heç kəsdən qorxmadığını bildirib söylədi ki, nə cəza istəyirlər versinlər.

Millət vəkili Ağacan Əbiyev isə sentyabrda iclas keçiriləcəyini və A.Şahverdiyevə cəza veriləcəyini açıqlayıb. Deputat həmkarına “hər yerə başını soxursan” deyərək sərt etirazını bildirib.

Artıq xalqın, prezidentin, dövlət rəhbərliyinin, həmkarlarının gözündən düşən A.Şahverdiyev millət vəkili statusunu çoxdan itirib. Daha doğrusu, xalq özü onun mandatını əlindən alıb. Sadəcə, rəsmi şəkildə bu mandatın ləğvi qalır.

Əslində, mandatı ləğv olunmasa da, əhəmiyyət kəsb etmir. Çünki bu qərar formal xarakter daşıyacaq. Əsas rəy xalqındır və ona olan münasibət mandatın rəsmi ləğvinə bərabərdir. Təbii ki, köçkün rayondan deputat olan bir parlament üzvünün özünü bu səviyyəyə endirməsi öz günahıdır.

Rubrika.Az Ulus.Az-a istinaden xəbər verir ki, “qələmi qırılmış” A.Şahverdiyevdən yuxarılar ciddi şəkildə narazıdır. Onun hər çıxışı insanları qıcıqlandırır.

Xalqın mövqeyindən çıxış etməli olan bir millət vəkilini nə vadar edirdi ki, Ə.Həsənovun nəvəsinin cinayətini ört-basdır etsin?

Belə görünür ki, onun “Qaçqınkom”sədrinə mənəvi borcu var və bu şəkildə yerinə yetirməyə çalışıb. Ola bilsin ki, Ə.Həsənov ona biznes imkanları yaradıb. Millət vəkilinin biznes imperiyasına daxil olan obyektləri da saymaqla bitməz.

Təkcə Müşfiqabad qəsəbəsindəki qaçqın şəhərciyində Milli Məclis üzvünün 20-yə yaxın irili-xırdalı obyekti var. Bunların içərisində ən böyüyü "Qarabağ" market və aptekdir. Yəqin ki, bu şəraiti yaratmaqda Ə.Həsənov ona köməklik edib.

O, qaçqın şəhərciklərində ticarət obyektləri salıb. Bu obyektləri yaxın qohumlarının adına sənədləşdirib. Halbuki, deputatın bizneslə məşğul olması qanunla qəti qadağandır.

Bəzi hallarda Milli Məclisin tribunasından sahibkarlıq fəaliyyəti ilə məşğul olan məmurları tənqid edən Astan müəllim özü hamıdan çox qanunun tələblərini pozur.

Müşfiqabad qəsəbəsində yerləşən məhəllədə problemlər xirtdəyə dirənib. Cəbrayılın deputatı Astan Şahverdiyev və "Qaçqınkom"da vəzifə tutan Pənah Əliyev burda özlərinə böyük biznes şəbəkəsi yaradıb.

Dövlətə 127, 5 milyon manata başa gələn şəhərcik olduqca bərbad vəziyyətdədir. "Qarabağ" market, gözəllik salonu, kişi salonu, dönərxana, aptek, geyim dükanları da Astan Şahverdiyevin biznes şəbəkəsinə daxildir.

Qəsəbənin giriş hissəsində, başqa sözlə desək, burda yaşayan insanların "kruq" adlandırdığı ərazidə A.Şahverdiyev qeyri-qanuni şəkildə obyekt tikdirib.

Deputat mandatından məhrum olunacağı ilə bağlı məsələyə gəlincə, A.Şahverdiyev deyib:

“Milli Məclis deputatının etik davranış qaydaları haqqında” qanun müzakirə olunaraq qəbul edilib. Prezident İlham Əliyev sərəncamı ilə onu təsdiq edib. Prezidentin sərəncamı müzakirə olunmur.

Prezident necə məsləhət görübsə, elə də olmalıdır. Sərəncama əsasən nə qərar veriləcəksə, ona tabe olmağa hazıram. Mən sözümü İntizam Komissiyasının iclasına çağırılsam, orada deyəcəyəm”.

Rubrika.Az

Facebook-da paylaş