Göyçay sakinləri tərəfindən gələn şikayət məktubunda ciddi problemlərdən bəhs olunur

RUBRİKA.AZ fia.az-a istinadla bildirirb ki, onların dediyinə görə, Göyçayın icra başçısı Mehdi əlimzadə rayonun idarəetməsini qardaşı oğlu Səməd Cəbrayılova həvalə edib. Sakinlər bildirirlər ki, qardaş oğlu böyük biznes imperiyası qurmağa start verib.

“Mehdi Səlimzadə Göyçaya icra başçısı təyin olunandan az sonra qardaşı oğlu Səmədi Göyçay Gənclər Mərkəzinə müdir vəzifəsinə təyin etdi.

Təxminən bir ay əvvəl isə Səməd Cəbrayılov Göyçay rayon İcra Hakimiyyətində kadrlar şöbəsinə müdir vəzifəsinə gətirildi.

Səmədin qurduğu plana əsasən Göyçay Avtonəqliyyat ASC-də yerləşən bazarı antisanitariya adı ilə bağlatdırıb, özünə mebel Rəşid adlı şəxslə ortaq “Təzə Bazar” adlı ticarət mərkəzi açıblar.

Göyçay Avtobazasında yerləşən bazarda 500-dən çox insan alver edib, evinə çörək aparırdı, indi həmin şəxslər işsiz qalıblar.

Mehdi Səlimzadənin özbaşınalığı nəticəsində Göyçayda çoxlu sayda işsizlər ordusu yaranıb.

“Təzə Bazar” əhalinin və avtomobillərin gediş-gəlişinə ciddi maneə yaradıb. Bu səbəbdən orada baş verən avtomobil qəzası insan ölümünə səbəb olub.

Həmçinin yaxınlıqda yerləşən Göyçay şəhər 7 nömrəli tam orta məktəbin şagirdləri üçün ayrılmış keçidi bazara görə ləğv etdirib məktəblilərin həyatını ciddi təhlükə qarşısında qoyublar”.

FİA.Az xəbər verir ki, həmin bazarın ərazisini genişləndirmək üçün vətəndaşlara məxsus torpaq sahələrini ümumilikdə 500.000 manata alınıb.

Sakinlər deyirlər ki, alış-verişi gücləndirmək üçün zorakılığa əl atılaraq bütün kənd avtobuslarının üzərinə qanunsuz olaraq “Təzə Bazar” yazılmış reklamlarla bəzədilib.

Avtobuslar kəndlərdən camaatı gətirib zorla həmin bazara düşürdürlər. Bu isə ciddi narazılıq yaradıb.

Hətta süni qiymət artımının qarşısını almaq məqsədi ilə satış yarmarkasını Göyçayın mərkəzində keçirmək əvəzinə reklam üçün “Təzə Bazar”da təşkil edilib. Bu şou kimi təşkil edilən yarmarkada məhsullar bazar qiymətinə satılır.

Başqa rayonlarda isə həmin yarmarkalar bazardan kənarda təşkil olunur deyə ucuzluq olduğundan , sakinlər buna razı qalırlar.

Qardaş oğlu Səməd Cəbrayılov Sənan adlı şəxslə isə ortaq yeni Avtobaza yaratdığı üçün 125 səhmdarı və 40 nəfər kollektivi olan Göyçay Avtobazasını bağlatdırmaqla çoxlu sayda insanları acından ölməyə məhkum ediblər.

İcra başçısı Mehdi Səlimzadənin tamahının qurbanlarının sayı gündən-günə artmaqdadır.

Sakinlər yazırlar: “Tez bir zamanda harınlayan qardaş oğlu Səməd Cəbrayılov öz şəxsi bahalı avtomobilinə 99 SC 999 nömrəsini almaq üçün 30.000 manat pul ödəyib.

Həmçinin Mehdi Səlimzadənin tapşırığı ilə Səmədin kiçik qardaşı Əli rayonda boş torpaq sahələrini qeydə almaqla məşğuldur. Həmin torpaq sahələri qanuna uyğun olub-olmadı baha qiymətə satışa çıxarılır.

Hətta rayonun mərkəzində yerləşən 5 mərtəbəli binanın girişində camaatın xeyir-şər üçün istifadə etdiyi torpaq sahəsini küllü miqdarda pula satmışdılar.

Mehdi Səlimzadə kənd icra nümayəndələrinə, müavinlərinə və bələdiyyə sədrlərinə aylıq haqq qoyub ki, ödəyə bilməyən cinayət məsuliyyətinə cəlb edilir.

Haqqı ödəyə bilmədiyi üçün Qaraməryəm bələdiyyəsinin sədri Fəqan Şamilova tutduğu vəzifədən uzaqlaşıdılaraq barəsində 10 gün inzibati həbs verilib”.

Bundan əlavə, Göyçayda yerləşən heyvan bazarı həftənin bazar günləri işləyir. Həmin günü orada iri və xırda buynuzlu heyvanların satışından başqa girişdə meyvə-tərəvəz, paltar, ayaqqabı və sairə mallar satılırdı.

Mehdi Səlimzadə öz bazarının reytinqinə görə həmin bazarda heyvanlardan başqa digər alver predmetlərinin satışına qadağa qoyub.
Həmçinin heyvan bazarına aylıq yüksək məbləğdə haqq qoyub ki, buna görə artıq bazar rəhbərliyi yer pulunu qaldırmağa məcbur olub.
2 ildən az bir müddət ərzində icra başçsı vəzifəsinə təyin olunan Mehdi Səlimzadənin korrupsiya əməllərindən Göyçay rayon sakinləri cana yığılıblar.

Sakinlər:

Məmmədov Cəlil Mahal oğlu
Quliyeva Qənirə Vəli qızı
Kərimova Sona Həsən qızı
Fərəcov Əli Osman oğlu
Namazova Nisə Paşa qızı
Vahabov Dadaş Fərrux oğlu
Səmədova Sona Ağasəlim qızı
İsmayılova Elmira Tahir qızı
Umudova Cəmilə Telman qızı
Nəbiyeva Hicran Vahid qızı
Quliyev Çingiz Ramiz oğlu
Rüstəmov Nuralı Lətif oğlu
Məmmədov İlqar Şamil oğlu
Qasımov Cəmil Nəzər oğlu

RUBRİKA.AZ

Facebook-da paylaş