Bir müddətdir ki, xərçəng xəstəliyindən əziyyət çəkən əməkdar artist Tünzalə Əliyevanın “Bizimləsən” verilişində hər gün efirə çıxması və onun evi üçün yardım istənilməsi müzakirə olunur.

Belə ki, Zaur Baxşəliyevin aktrisa ilə verilişinə reytinq yığdığını T.Əliyevanın isə xəstəliyin ilə özünü reklam etdiyi iddia olunub. Xatirə İslamın T.Əliyeva üçün tanınmışlardan topladığı ianəni Zaur Baxşəliyevin canlı efirdə adları və müğənnilərin verdiyi məbləği açıqlaması birmənalı qarşılanmayıb. Bəziləri onun bu addımını tərbiyəsizlik adlandırıb. Hətta, Tünzalənin Zaur Baxşəliyevin növbəti qurbanı adlandıranlar da var. Çünki aktrisanın xəstəliyindən reytinq yığmağın başqa adı yoxdur.

Verilişdə isə qeyd olunub ki, müğənnilərdən pul aktrisanın xəstəliyi üçün yığılıb, lakin hazırda evinin ipotekasına xərclənəcək.

Bundan əlavə xalq artisti Aygün Kazımovanın və Nadir Qafarzadənin 200 manat yardım etməsi sosial şəbəkə istifadəçiləri tərəfindən tənqid olunub.

Ötən gün isə Milli Onkologiya Mərkəzinin baş həkimi, Azərbaycanın baş onkoloqu Azad Kərimli modern.az-a açıqlamasında xərçəngə yoluxan əməkdar artist Tünzalə Əliyevanın xəstəliyi ilə özünü reklam etdiyini bildirib: “Bu xanım nədən narazıdır? Tünzalə Əliyeva artıq sağalıb, əməliyyat edildi, sadəcə müalicəsi davam edir. Mütəmadi xəstəxanaya gedib-gələrək hər kəs kimi müalicəsini götürməli, yaşamalıdır. “Toppuş bacı” nəyə görə, xərçənglə özünü reklam edir? Bu kimi hallarla rastlaşdığımıza görə, insanlar da xərçəngdən qorxur.

Bir neçə il əvvəl aktrisa Kübra Əliyeva da xərçəng xəstəliyindən əziyyət çəkirdi. Müalicə götürdü, saçına qədər tökülürdü. İndi isə vəziyyəti yaxşıdır, sağalıb və müayinələrini davam etdirir. Tək adını çəkdiyim məşhurlar deyil, efir insanlarının çoxu bu durumdadır. Kübra Əliyeva səhhətinə laqeyd yanaşmır, həkim nə zaman dedisə, o zaman da qəbula gəlir, müalicə götürür, özünü reklam etmir”.

Bundan sonra Tünzalə Əliyeva səhhətinin yaxşı olduğunu, xəstə olmasa da ipotekası üçün kömək istəyəcəyini açıqlayıb. Əməkdar artistin ətrafında gündəm hər saat dəyişsə də, hələ də müğənnilərin göndərdiyi ianələrin açıqlanması müzakirə olunur.

Rubrika.Az xeber verir ki, Musavat.com məsələdə adı ən çox hallanan müğənni Nadir Qafarzadə ilə əlaqə saxlayıb. O, tənqidləri əsassız saydığını imkanı 200 manata çatdığını açıqlayıb: “Mən daim xeyriyyə işləri ilə məşğul olmuşam, amma açıb ağartmamışam. 200 manat çölə tökülməyib. Camaat 200 manat maaş alır. Ehtiyac olub göndərmişəm kimin gücü nəyə çatırsa, onu ödəyir. Bizi qınayanlar çıxarıb ehtiyac olan pulu ödəsinlər. Mənim üçün fərqi yoxdur ki, pul evə ya xəstəliyə lazımdır”.

Qafarzadə kimin nə qədər pul göndərdiyinin açıqlanmasına qarşı çıxıb: “Gərək, məxfi qalardı. Açıqlanması düzgün deyildi. Bizə hər şeyi şouya çevirik. Nələr baş verdiyini anlamıram. Artıq yorulub, kənara çəkilmişəm”.

Məsələyə müğənni Səidə Sultan da biganə qalmayıb. O, bildirib ki, siyahının açıqlanması yanlış addımdır: “Siz niyə toy siyahısı kimi kim nə qədər verib ad çəkirsiniz?Yaxşı və hörmətli oçolardı ki, ad çəkilməzdi. Çəkilsəydi də siyahı lazım deyildi. Sonra da camaatı qınayırsınız. Özünüz hər şeyi ortaya açıb tökürsünüz”.

Mövzu ilə bağlı Zaur Baxşəliyevlə əlaqə saxlamağa çalışsaq da, cəhdlərimiz uğursuz oldu .


Rubrika.Az

Facebook-da paylaş