Hindistan Ali Məhkəməsi zinaya görə həbs qərarını ləğv etdi.

Rubrika.Az Musavat.com-a istinaden xəbər verir ki, 158 ildir qüvvədə olan bu qanuna görə evli qadınla münasibətdə olan kişini 5 ilə qədər həbs ya da külli miqdarda pul cəzası gözləyirdi.

Qanunda həmçinin kişinin münasibətdə olduğu qadının ərinin razılığı olmaması məsələsinə də xüsusi diqqət yetirilir. Yəni əgər ərin razılığı yoxdursa ya da ümumiyyətlə həyat yoldaşının başqa biri ilə münasibətdə olmasından xəbəri yoxdursa, o zaman bu qanun işə düşür.

Bu günə qədər neçə kişinin bu məsələyə görə həbs olunması barədə dəqiq bir rəqəm yoxdur.

Ali Məhkəmə bu qanunla həm kişi həm də qadınlar arasında ayrıseçkilik yaratdığını əsas gətirən bir nəfərin tutarlı fikirlərindən sonra dəyişmək haqda qərar qəbul edib.

"Zina bədbəxt bir evliliyin səbəbi deyil, nəticəsidir"

5 üzvlü məhkəmənin rəhbəri hakim Dipak Misra zinanın Koreya, Çin, Yaponiya kimi ölkələrdə cəza hesab olunmadığını bildirərək "zina mədəni hüquq çərçivəsində evliliyin sonlandırılmasına səbəb ola bilər, lakin cəza hesab oluna biləcək qədərdə ağır bir mövzu ola bilməz. Zina bədbəxt bir evliliyin səbəbi deyil, lakin nəticəsidir və qadın həyat yoldaşının qulu deyil"- deyib.


Rubrika.Az

Facebook-da paylaş