Ali təhsil ocaqlarında qış imtahan sesiyası davam edir. Tələbələrin təhsil müvəffəqiyyətlərinin qiymətləndirilməsinə hesablanan imtahan sesiyası bir çox hallarda əsl rüşvətyığma kompaniyasına çevrilir. Tələbələrin qorxuyla, müəllimlərin səbirsizliklə gözlədiyi qış imtahan sesiyasında Astara Pedaqoji Kollecində baş verən “macəralarla” bağlı Rubrika.az saytına ilginc məlumatlar deaxil olub.


Diqqətli oxucularımız xatırlayır ki, Astara Pedaqoji Kolleci ölkə ictimaiyyətinə hələ 2015-ci ildən yaxşı tanışdır. 4 il əvvəl Kollecin o zamankı direktoru “iş başında”-rüşvət alarkən həbs olunmuşdu. Bu qədər “zəngin” ənənələri olan Kollecdə o vaxtdan çox sular axsa da, dəyişən bir şey olmayıb. Düzdür, Kollecin direktoru dəyişilib-keçmiş Təhsil naziri Mikayıl Cabbarov öz müşaviri Ağababa İbrahimovu buraya yeni rəhbər təyin edib. Biz bilmirik Mikayıl müəllim A. İbrahimovu cənub bölgəsinə göndərəndə onun qarşısına hansı vəzifələr qoyub. Ancaq onu dəqiq bilirik ki, 2015-ci ildən sonra kollecdə dəyişən bir də qiymətlər olub. Elə güman etməyin ki, tələbələr Ağababa müəllimin gəlişindən ilhamlanaraq hamısı əlaçı olub, 3-ləri 5-lərə dəyişiblər. Əlbbətdə ki, yox ! Burada 3-lərin 5-lərə çevrilməsi prosesi pul haqq-hesabında baş verib.

Rubrika.az saytına verilən məlumata görə Astara Pedaqoji Kollecində 5-lik, 4-lük, 3-lük tələbələr var. Yəni 5 yüzlük, 4 yüzlük, 3 yüzlük imkanı olan tələbələr nəzərdə tutulur. Əsas onların maddi səviyyəsidir, biliyi isə həyatda özləri də qazana bilərlər.

Saytımıza məlumat verən tələbələr bildirirlər ki, hal hazırda kollecdə “işin razqar “ vaxtıdır. Tələbələr az qala müəllimlərin kölgəsindən də qaçırlar ki, birdən yenə pul istəyərlər. Ümumiyyətlə bütün semestr boyunca Kollecdə pul hər zaman ön plandadır. Dərsə gəlməmək də, aylığa getmək də, oxumamaq da problem deyil. Əsas məsələ odur ki, bütün bunları ört-basdır etmək üçün yetərincə pulun olsun.

Rubrika.az saytına verilən məlumata görə etiraz edən tələbələrə müəllimlər bildirirlər ki, onlar hər bir tələbə üçün direktora haqq verirlər. Pulu verməyə imkanı olmayan tələbələrə müəllimlər “indi mən sənin yerinə cibimdən pul qoymalı deyiləm ki” deyərək hədə-qorxu gəlirlər. Hətta əlacı kəsilən tələbələrdən biri anasının nişan üzüyünü sataraq direktorun “xəcalətindən” çıxıb.

Artıq kollecdə vəziyyət dramatik hal alıb. Nəinki tələbələr, hətta müəllimlər belə narazılıq edirlər. Amma, nədənsə Ağababa müəllimin bu idarəçiliyinə, “elmi təcrübələrinə” “dur” deyən tapılmır. İllərdir ki, Kollecdə heç bir yenilik, elmi uğur əldə edilməyib.. Bəs görəsən Təhsil nazirliyi nəyi gözləyir? Bəlkə LİMANDRANIN yetişməyini...

Nicat Mahmudov

Rubrika.Az

Facebook-da paylaş