Bu günlərdə bir sıra saytlarda Xəzər Universitetinin fəlsəfə müəllimi Mail Yaqubov universitet haqqında həqiqətə uyğun olmayan böhtan xarakterli yazılar və məlumatlar yayaraq bu ailə təhsil ocağının imicinə xələl gətirməyə cəhd edib.

Rubrika.az xəbər verir ki,Moderator.az-ın əməkdaşı bu xoşagəlməz olayla bağlı universitetlə əlaqə saxlayaraq "filosof"un ittihamlarına aydınlıq gətirilməsini istəyərkən aldığı cavab şok olub:

Universitetdən bildirilib ki, Mail Yaqubov ölkə ictimaiyyətinə yanlış məlumat verməklə əslində öz hərəkətlərini ört-basdır etmək niyyəti güdüb:

"Mail Yaqubovun uzaqlaşdırılmasının əsas səbəbi heç də maaşla bağlı deyil. O müəllim olaraq çalışdığı müəssisədə gənc qadın müəllimlərə və tələbələrə qarşı müəllimə yaraşmayan hərəktləri ilə tanınan birisi olub. Bu hərəkətlərinə görə bir neçə dəfə xanım müəllimlər tərəfindən rektorluğa müraciətlər olub. Hətta bu hərəkətlərinə görə Mail Yaqubov Departament müdirliyindən uzaqlaşdırılmış ve dərsləri minumuma endirilmişdir. O, dərs dediyi siniflərdə fəlsəfə fənninin yerinə uyğun olmayanları tədris etmiş ve tələbələri dünyeviliyə deyil, cahilliyə çağırmışdır. Hətta bu yazılarına görə sosial şəbəkələrdə bir sıra tanınmış adamların qınaq obyektinə çevrilmiş ve qəti şəkildə pislənilmişdir.

Uzun iller Xəzər universitetində çalışmasına baxmayaraq o hər hansı tanınmış bir jurnalda bu günə kimi bir dənə məqalə çap etdirməmişdir. Halbuki universitet müəlliminin əsas vəzifələrindən biri də elmi məqalələrlə tanınmasıdır.

Dərs saatlarına gəlincə, Xəzər universiteti ingilisdilli bir universitetdir. Universitetdə Azərbaycan dilində yalnız fəlsəfəyə giriş fənni tədris olunur, maaşa gəlincə, hər kəs verdiyi töhfəyə görə( əməyinin qarşılığında) qazanır. Xəzər universitetində Mail Yaqubovdan 10 dəfə artıq maaş alan adamlar da var. Onun bu hərəkəti və ittihamları heç bir məntiqə sığmır. Hətta son dəfə bu yarıtmaz hərəkətlərinə görə universitet rəhbərliyi tərəfindən onun qarşısına ərizəsini yazmaq tələbi qoyulmuşdur".

Rubrika.Az

Facebook-da paylaş