17 yaşlı Olya xəstəxanaya yerləşdirildikdən sonra bir gündən az müddət yaşayıb. Təcili yardımı qızın nənəsi yanvarın 18-də çağırıb, amma artıq gec olub.

Rubrika.Az oxu.az-a istinadla bildirir ki, yeniyetmə xəstəxanaya yerləşdirildikdə onda ikitərəfli sətəlcəm, ağciyər vərəmi və peritonit kimi diaqnozlar müəyyən edilib.

Bu barədə kp.ru hüquq mühafizə orqanlarındakı mənbəyə istinadla xəbər verib. Bildirilib ki, hadisə Moskva vilayətinin şəhərlərindən birində qeydə alınıb.

Sadalanan diaqnozların hər hansı biri ölümcül ola bilər. Lakin can verən Olya həkimlərə hələ üstəlik döyüldüyünü də bildirib. Özü də zərbələr qarın nahiyəsinə olub.

Mümkündür ki, məhz bu hal sonradan peritonitə səbəb olub. Cəsəd ekspertizaya göndərilib. Hələ ki, ölüm səbəbi müəyyən edilməyib.

Yalnız bir şey aydındır: tibbi yardım üçün ailə üzvləri çox gec müraciət ediblər. Sətəlcəmin ilkin əlamətləri hələ iki həftə əvvəl ortaya çıxıb: ancaq Olyanın özü və yaxınları təcili yardım və klinikaya müraciət etməyiblər. Niyə? Qonşuların bir cavabı var: marjinal ailə.

- Bu ailədə normal bircə nənə idi, ancaq o artıq qocalıb, yaşı 90-dan yuxarıdır. Olyanın anası son 15 ildir ki, içki içir. Atası yoxdur. Qızın özü isə anasından da betər idi. O, narkotik çəkirdi və bunu bütün şəhər bilirdi, - deyə ailənin qonşusu Valentin bildirib.

Həqiqətən, ölən yeniyetmə yetkinlik yaşına çatmayanlarla iş üzrə idarənin qeydiyyatında olub. Bundan əlavə, qız narkoloq yanında da olub. Cəmi 13 yaşında olarkən artıq qadağan olunmuş maddələrlə bağlı problemləri başlayıb və məktəbdən qovulması ilə başa çatıb. Son üç il ərzində Olya heç bir yerdə işləməyib və nə də oxumayıb.

Yeniyetmənin ölüm faktı araşdırılır.

Rubrika.Az

Facebook-da paylaş