Dünən dünyada koronavirusa (COVİD-19) yoluxma sayı əvvəlki günlə müqayisədə bir qədər artıb. Musavat.com xəbər verir ki, bu artım əsasən 3 dövlətin hesabına olub.

Ümumilikdə dünən dünyada 76 min 872 nəfər koronavirusa yoluxub, 4 min 890 nəfər ölüb.

Ən çox yoluxma ABŞ-da qeydə alınıb. Bu ölkədə dünən 26 min 473 nəfər yoluxub, 1049 nəfər ölüb. Bu göstərici 31 martla müqayisədə xeyli yüksəkdir. Yoluxmanın ən çox qeydə alındığı ikinci ölkə İspaniya olub (8 min 195 yoluxma, 923 ölüm). Yoluxmaya görə dünənki göstəriciyə görə üçüncü sırada isə Almaniya yer alıb ( 6 min 173 yoluxma, 156 nəfər ölən olub).
Dünyada ümumi yoluxanların siyahısında 2-ci yerdə gələn İtaliyada dünən yoluxanların sayı əvvəlki günlərlə müqayisədə xeyli aşağı olub (4 min 782 yoluxan, 727 nəfər ölən).

Dünən koronavirusdan ölüm hallarının ən çox qeydə alındığı ölkələr sırasında İngiltərənin də adı var (563 ölü).

Hazırda dünyada yoluxanların ümumi sayı 936 min 670 nəfər, ölənlər isə 47 min 259 nəfərdir.

Tibb sahəsi üzrə dünyanın elm adamları proqnozlaşdırırlar ki, aprel ayında bu cür artım tempi davam edəcək. Sonrakı aylarda isə pozitiv dəyişliklər olacaq, yoluxma və əsasən də ölüm azalacaq. Ona görə də əksər ölkələrdə aprel ayı üçün karantin rejimi tətbiq edilib.

Eyni zamanda bu ay xüsusilə də ABŞ-da ölüm sayının ciddi şəkildə artacağı bildirilir.

Rubrika.Az

Facebook-da paylaş