“Nəhahət ki, Demokrat partiyasından prezidentliyə vahid namizəd Co Bayden üçün vitse-prezidentliyə əla namizəd tapılıb.

Bu, Almaniyanın kansleri Angela Merkeldi. İnanın o bu post üçün idealdır. Dünyanın ən qüdrətli dövlətlərindən birinə rəhbərlik edir, 4 dəfə üst-üstə seçkidə qalib gəlib, onun koronavirus pandemiyası ilə mücadiləsi isə hər kəs tərəfindən heyrətamiz olaraq dəyərləndirilir”.

“The New York Times” qəzetinin yazarı Brett Stevens alman siyasətçiyə heyranlığını bu cür sözlərlə ifadə edib.
“Koronaböhran zamanında amerikalılar alman kanslerinin simasında Trampla müqayisədə təcrübəli, etibarlı və rasional hökumət rəhbərini görürlər. İndi Amerikanı əsl Merkelmaniya bürüyüb”,-deyə “Die Welt” qəzetinin jurnalisti Daniel Şturm yazır.

“Angela Merkelin elmi təcrübəsi Almaniyanı xilas edir”. Belə bir məqalə ilə ABŞ-ın analitik “The Analitic” saytı çıxış edib. Yazının müəllifi Saskiya Miller “Merkelin xarakterindək rasionallığı”, onun “analitik, qeyri-emosional və ehtiyatlı idarəçilik stilini” bəyəndiyini bildirib. Saskiya Millierin fikrincə, pandemiya sayəsində “sabit və ağıllı idarəçilik tərzi yenidən dəbə minib və Merkel 30 illik alimlik, habelə siyasətçi təcrübəsi ilə indi ən gözəl formadadır”.

ABŞ prezidentinə müxalif sayılan “CNN” telekanalının icmalçıları Donald Trampa Merkeldən çox şey öyrənməli olduğunu deyirlər. “CNN” ABŞ və Almaniya arasında bir sıra bənzərliklərə diqqət çəkərək hər iki dövlətin də federalizm əsasında idarə olunduğunu bildirir. “Federalizm məsuliyyətdən yaxa qurtarmaq üçün mövcud deyil”,-deyə kanal A.Merkeldən sitat gəririb.
Lakin ABŞ-da vəziyyət bir qədər fərqlidir. Burada Donald Trampla ayrı-ayrı ştatların rəhbərliyi bir-birlərinə ittihamlar irəli sürməklə məşğuldur.

“Pandemiya dövründə Merkeli ictimaiyyət qarşısında nadir hallarda, özü də olduqca soyuq, sakit tərzdə çıxış edən vəziyyətdə görmək olar. ABŞ-da isə prezident özünün gündəlik “brifinqlərini” müxtəlif mövzulardan danşmaq məqsədilə yararlanır, dəxli olmadan siyasi opponentlərinə qarşı ittihamlar səsləndirir, reportyorlarla dalaşır və üstəlik onlardan üzr tələb edir. Koronavirusla bağlı vəziyyətdən danışmalı olan Tramp Meksika ilə sərhəddə tikilməsi planlanan divardan, özünü reytinqlərindən, “Facebook” da yaratdığı rezonansdan ağız dolusu danışır. Merkeldən belə şeyləri eşitmək mümkün deyil,-deyə müəllif Daniel Şturm qeyd edir.

“Angela Merkelin federal əyalətlərin baş nazirləri ilə vəhdəti Almaniyanı yenidən Avropanın aparıcı gücünə çevirib. Məhz bu ölkə qərb dövlətləri üçün əsl nümunə sayıla bilər”,-deyə “The New York Times”-ın məqaləsində vurğulanıb.

Rubrika.Az

Facebook-da paylaş