"Ermənistanın Tovuz istiqamətində hərbi təcavüzündən sonra danışıqlar masasına oturmaq əleyhimizə işləyə bilər. Dövlət başçısı İlham Əliyevdə Ermənistanla mənasız danışıqları qeyd etdi. Bundan sonra Minsk qrupunun həmsədrlərinin israrlarına rəğmən, videokonfrans şəkildə danışıqların keçirilməsi mümkün olmayacaq. Azərbaycan buna getməyəcək. Çünki bundan sonra danışılacaqlar mənasızdır".

Rubrika.Az Yenisabah.az-a istinadən xəbər verir ki, bunu politoloq Məhəmməd Əsəddullazadə deyib. O qeyd edib ki, Ermənistanın Baş naziri Nikol Paşinyan danışıqlar prosesinə kölgə salan qeyri-konstruktiv açıqlamaları həll variantlarına maraqlı olmadığını göstərib:

"Tovuzda dövlət sərhəddində hərbi təcavüz aktı həyata keçirməklə bütövlükdə prosesi sıfırladı. O, bununla hesablayırdı ki, sərhəddə baş verənlərə görə Ermənistana Rusiya başda olmaqla digər ölkələr dəstək verəcək. Amma nəticə onun əleyhinə işlədi.

Nikol Paşinyan Belarusa səfər edib. Onun bu səfərdən əliboş gəlişi gözlənilir. Qayıtdıqdan sonra anti-Rusiya isteriyasına başlayacaq. Amma onun bu siyasi planı müqavimətlə qarşılana bilər.

Hazırda Rusiya və digər həmsədr dövlətlər susqunluq nümayiş etdirir. Ermənistan bu təcavüzə başlarkən Nikol Paşinyan KTMT və Rusiyaya ümid edirdi. Göründüyü kimi, Moskva Paşinyana rəsmi dəstək vermədi. Çünki Nikol Paşinyan Rusiyada arzuolunmaz şəxsdir və Kreml onun devrilməsində maraqlıdır. Amma Rusiyanın indiki susqunluğuna da etibar etmək olmaz. Qarabağ istiqamətində cəbhənin açılmaması Moskva faktorundan qaynaqlanır. Amma Rusiyanın müqaviməti həlledici olmayacaq. Azərbaycan çox ciddi şəkildə dəstək almaqdadır. Azərbaycan əks-hücuma keçərək bir neçə rayonu işğaldan azad edib Ermənistanı güzəştli danışıqlar masasına əyləşdiməlidir".

Politoloq hesab edir ki, bu hadisələr bütövlükdə Paşinyanın əleyhinə işləyir. Onun hakimiyyətdən getməsi, istefası mümkün ola bilər:

"Çünki onun qurduğu siyasi oyun birbaşa Ermənistan üçün acı nəticələrə gətirib çıxarır. Azərbaycan Qarabağda hücuma keçərsə, Ermənistanda Paşinyan əleyhinə mitinqlər olacaq. Məhz müharibənin başlatdığına görə istefası tələb olunması mümkündür.

Qeyd edim ki, Paşinyan hakimiyyətdən gedərsə, "Qarabağ" klanının hakimiyyəti ələ alması mümkün deyil. Ermənistan ictimaiyyəti buna qarşı çıxacaq. Rusiyaya bağlı Çiçəklənən Ermənistan partiyasının sədri Q. Sarukyan və "Vətən" partiyasının sədri A.Vanetsyan hakimiyyəti ələ ala bilər. Bunların hər ikisi Paşinyanın düşmənidir.

Ümumiyyətlə, Ermənistanın Rusiyanın oxundan çıxması bundan sonra çətin olacaq. Çünki Paşinyanın Azərbaycan əleyhinə Tovuzda hərbi təcavüz etməklə, bütün danışıqları sıfırlamaqla islahatlar həyata keçirməsi mümkün olmayacaq. Ermənistanda yenidən gərgin siyasi mərhələ başlayır. Azərbaycan Ermənistanın siyasi vəziyyətini növbəti dəfə dəyişir. Artıq proses Qarabağın azad olunması ilə nəticələnməlidir. Cəbrayıl, Füzuli və Ağdam götürülməlidir".



Rubrika.Az

Facebook-da paylaş