Prezident İlham Əliyev dəfələrlə vurğulamışdır ki, dövlətin əsas vəzifəsi mütərəqqi iqtisadi və sosial islahatlar həyata keçirmək, inkişaf prosesində hər bir vətəndaşın iştirakını təmin etməkdir. Ölkə başçısı bölgələrin davamlı inkişafının təmin olunması, yeni iş yerlərinin açılması, infrastrukturun yeniləşdirilməsi, mövcud problemlərin aradan qaldırılması məqsədilə imzaladığı fərman və sərəncamların icrası vəziyyəti ilə yerindəcə tanış olmaq, ölkə vətəndaşları ilə birbaşa ünsiyyət quraraq mövcud çətinliklər barədə informasiyaları ilkin mənbədən almaq üçün vaxtaşırı respublikanın rayonlarına səfərlər edir. Vətəndaşlarla birbaşa təmaslara üstünlük verən, özünəməxsus təmkinlə onların problemlərini dinləyən və onların həlli üçün qəti tapşırıqlar verən dövlət başçısının bu addımları ictimaiyyət tərəfindən yüksək qiymətləndirilir, xalqın öz Prezidentinə olan inamını, etimadını daha da artırır.
Azərbaycan Respublikasının Prezidenti cənab İlham Əliyev iyulun 23-də su təsərrüfaının vəziyyətinə həsr olunmuş müşavirədə su təsərrüfatında mövcud olan problemlərdən və onların həlli istiqamətində görüləcək işlərdən danışmış və qeyd etmişdir ki, ölkəmizdə bütün infrastruktur layihələri ardıcıl şəkildə icra edilir. İnfrastruktur layihələri arasında içməli su layihələrinin icrası xüsusi yer tutur.
2004-cü ildə Azərbaycanda içməli su ilə təminat 40 faiz səviyyəsində idi. Bu gün isə bu rəqəm 70 faizə çatımışdır. Bakı şəhərində içməli suyu davamlı şəkildə alan əhalinin sayı 29 faiz idisə, hal-hazırda bu rəqəm təxminən 82 faizdir. Regionlarda isə əhalinin içməli su ilə əhatə dairəsi cəmi 9 faiz idi. Bu gün bu rəqəm 63 faizdir. Bundan başqa Abşeron yarımadasının içməli su təchizatı sahəsində həyata keçirilən sonuncu və ən iri layihələrdən biri də Oğuz-Qəbələ-Bakı su kəməridir. Oğuz rayonu ərazisindən təmiz suyun boru xətti vasitəsilə Bakıya gətirilməsini nəzərdə tutan bu layihə Heydər Əliyevin adı ilə bağlıdır. Ulu öndər Heydər Əliyev Bakı şəhərinə yüksək keyfiyyətli bulaq suyunun gətirilməsinin vaxtının çatdığını bildirmiş və bu məqsədlə Oğuz-Qəbələ zonasının yeraltı sularından istifadə ilə bağlı müvafiq göstəriş vermişdi.
Bundan əlavə son illərdə şəhər və rayon mərkəzlərində, kənd və qəsəbələrdə həyata keçirilən içməli su və meliorasiya layihələri müstəqil Azərbaycan dövlətinin və ölkə rəhbərinin öz vətəndaşlarının sağlamlığı və sosial rifahının yüksəldilməsinə hesablanmış məqsədyönlü siyasətinin əsas istiqamətini təşkil edir.

Fidan Nəbizadə
Nəsimi RİH könüllüsü


Facebook-da paylaş